ثمنت الفدرالية الوطنية لجمعيات آباء وأمهات وأولياء التلاميذ بالمغرب، ما جاء، يوم أمس الأحد (10 دجنبر)، في مخرجات اللقاء الحكومي مع النقابات الأكثر تمثيلية، مطالبة الأساتذة بوقف الإضراب والعودة إلى الأقسام.
التلاميذ ولاو رهائن
وأكد نور الدين عكوري، رئيس الفيدرالية المذكورة، في تصريح لموقع “كيفاش”، أن كل ما جاء في مخرجات اللقاء الحكومي مع النقابات الأكثر تمثيلية في صالح المدرسة العمومية، قائلا إن “هاد الزيادة في الأجور العامة الصافية لفائدة السيدات والسادة الأساتذة حل لمشاكل مجموعة من الفئات وكتخدم المصلحة العمومية”.
وأضاف “حنا كنطلبو الأساتذة يلتحقو بالأقسام الدراسية ديالهم، حيت التلامذ را ولاو رهائن هادي شهرين ونص وزمن التعلم ضاع وصعب الاستدراك ديالو”.
وشدد عكوري على أنه “يلا كانو هاد الناس كيبحثو على المصلحة ديال المدرسة العمومية وتلميذ الطبقة الفقيرة، هادي هي الوقيتة فين يعبرو عليه، ويرجعو للأقسام ديالهم حيت النظام ما كيساليش ودائما كيبقى مستمر والمطالب ديما كاينة وحنا كنقولو فالمطالب دائما خود ومن بعد عاود طالب بممجموعة ديال الأمور”.
وتابع أن “النقاش ما زال على النظام الأساسي، ولكن باش يبقاو التلاميذ رهائن تحت مزاجية بعض الناس ما غاديش نبقاو نقبلوها”، مشيرا إلى أنه “دابا المشكل ديالنا كأسر وتلاميذ ما بقاش مع الحكومة دابا ولى مع الأساتذة، هما اللي خاصهم يرجعو يقريو ولادنا”.
هاد الشي ماشي معقول!
وأوضح عكوري أن “ما عمر شي حكومة دارت شي قرار بحال هاكا، فين عمر شي حكومة زادت الأساتذة 1500 درهم فالأجور الشهرية صافية بلا ضرائب؟، فين عمرها كانت؟،
وكاين امتيازات أخرى لمجموعة ديال الفئات الأخرى في قطاع التربية والتعليم”.
وأبرز رئيس فيدرالية أولياء أمور التلاميذ أنه “أنا ما كندافع لا على حكومة لا على حتى شي جهة، أنا كنشوف بأن هاد الشي داخل في إطار الإصلاح وحنا خاصنا نقدّرو هاد المسألة ونرجعو نقريو ولاد الشعب، تقريبا 3 شهور هادي وهما منقاطعين على الدراسة وتقول ليا أنا مستمر فالإضراب”.
وعبر عكوري عن غضبه من استمرار الأساتذة في الإضراب، قائلا “واش تستمر فالإضراب ولادك أنت تقريهم فالتعليم الخصوصي وولاد الشعب كيدورو فالزنقة؟ هاد الشي ماشي معقول، هاد المسألة ولات كضر فالقلب هاد الشي كثر والآباء ولاو كيترجاو شي حوايج اللي من حقهم أنت راك خدام مع التلميذ والأسر رجع تخدم تقري ولاد الشعب”.
