كشف أحمد بريجة، البرلماني والمستشار الجماعي، والقيادي بحزب الأصالة والمعاصرة، عن تفاصيل الحادث الذي تعرض له، يوم أمس الأربعاء (6 يوليوز)، في مدينة الدار البيضاء، والذي تسبب في صدم أحد الراجلين.
ونفى بريجة في اتصال مع موقع “كيفاش” الأخبار المتداولة حول تسببه في قتل 3 أشخاص، قائلا “حرام على هاد الناس اللي كينشرو الكذوب، أنا ما قتلت حد”.
وقال بريجة “لبارح فالصباح كنت فاجتماع ديال لجنة المرافق العمومية والخدمة، ملي سالينا خرجت غادي للقاء ثاني ديال اللجنة التشاورية لإعداد برنامج تنمية الجهة، في الطريق كان الضو الأحمر شاعل والطريق عامرة، ملي شعل الضو الأخضر واحد السيد بقى مبلوكي الطريق بقينا كنغوتو عليه، وملي تسرحات الطريق أنا كسيريت وهي تهرب بيا الطموبيل قصدت الطروطوار ما لقيت ما ندير، ضربت السيد اللي كان دايز”.
وأضاف “شي وحدين قالو باللي أنا مشيت للكلينيك، والسيد اللي مضروب فسبيطار عمومي، الله يهديكم السيد راه فالكلينيك الله يشافيه، وأنا اللي مشيت لسبيطار عمومي ملي جاو البومبيا داوني نيشان لموريزكو، وما مشيت لا لعكاشة لا والو هادي راه حادثة واش فيها شي اعتقال”.
