كيفاش
كشف لحسن الداودي، وزير التعليم العالي والبحث العلمي وتكوين الأطر، أنه سبق وهدد بالاستقالة من الحكومة، رافضا الكشف عن السبب.
الداودي، الذي حل ضيفا على برنامج «في قفص الاتهام» على ميد راديو، اليوم الجمعة (26 دجنبر)، نفى أن يكون ساعد عبد العالي حامي الدين، القيادي في حزب العدالة والتنمية، للانتقال من جامعة طنجة إلى جامعة الرباط، وقال: «اللي كيقول عينت شي حد في شي منصب كنتحدى يجيب شعرة علاقة بيني وبين أي كان توسط ليه، ربما دوك ناس اللي نشرو داك الشي كيكذبو أو عندهم معطيات مغلوطة».
وعن تفقده مراحيض الحي الجامعي في وجدة، قال: «مشيت كنقلب في الحي الجامعي في وجدة، واللي فهمني الله قلبت فيه بحال الروبينيات، والروبنيات في الدار كنصوبهم أنا، وأنا كندير البريكولاج في الدار، مشيت نشوف الحي الجامعي واش نبقا غير نشو بعيني؟ وهاديك الجامعة بحال دار ديالي، خاص نقلب كلشي».
أما عن انفعالاته داخل قبة البرلمان فقال: «كنترمضن مع اللي كيبغي يترمضن معايا، ملي كنا في المعارضة كان الأمر ساهل، كتوجد الملف ديالك وتجي تعرض، وملي كتبدا تمارس كاين اللي كيبغي يتزايد عليك وأنت عارف التاريخ ديالو». وأضاف: «النفاق والفساد يريد أن يعلو على الحق، واللي كيظن أنه على حق ما يخليش مؤسسة ديالو الفاسدة ويبين للمجتمع أنه على حق.. اللي جا معايا بارد نكون معاه بارد واللي بغا يغوت نغوت معاه، والغوتة بمثلها».
