أحالت الفرقة الوطنية للشرطة القضائية على النيابة العامة في محكمة الاستئناف في الرباط، أول أمس الجمعة (6 أكتوبر)، الشرطي الموقوف عن العمل هشام الملولي، وذلك على خلفية الاشتباه في تورطه في قضية تتعلق بمحاولة الاغتصاب بالعنف والاحتجاز وحيازة صور خليعة والضرب والجرح.
وحسب موقع “القناة الثانية”، فإن المديرية العامة للأمن الوطني تعاملت بجدية مع تصريحات إعلامية منسوبة إلى فتاتين تدعيان أنهما كانتا ضحية محاولة اغتصاب واحتجاز من طرف المشتبه فيه، وهو ما استدعى فتح تحقيق في الموضوع تحت إشراف النيابة العامة للتحقق من تلك الجرائم وترتيب الإجراءات القانونية على ضوء نتائج البحث.
2012 كانت سنة خاصة في الأمن المغربي، حيث غادي يلتحق بيهم “الفتى العصبي” أو “بويكا المغرب” هشام الملولي، بطل المغرب في رياضة الكراتيه والكونغ فو، والحائز على العديد من الجوائز داخل وخارج البلاد.
هشام الملولي هو من مواليد فاس، وختو وئام كانت هي الملهم الأول ديالو في رياضة فنون القتال، وبداو هاد الرياضة فواحد لاصال قريبة ليهم.
كلشي لاحظ الموهبة ديال هشام، واللي كان معروف بالحب ديالو للرضايات القتالية والدفاع عن النفس. من بعد سنوات قليلة قدر يفوز بالعديد من الجوائز.
سنة 2012 تحقق الحلم ديال هشام، وولى شرطي في فرقة التدخل السريع (سيمي)، ولكن هشام كان عندو تدخل سريع ديال بصاح، لا زرواطة لا مسدس، ما كاين غير “مواشي وكازي و كوشا”، من بعدها ولى مدرب ديال قوات التدخل السريع دخل في بعض المشاكل معهم، حيث الأغلبية، وفسنة 2014 هشام أدهش الجميع، بمن فيهم مسؤولين كبار في الأمن في العرض اللي كيكون كل سنة في شهر شتنبر، وتما عرفوا باللي عندهم حارس أمن برتبة “بطل”.
الشي زاد الشهرة ديال هشام، وحتى هو ما ساهلش، زاد التفاعل والنشاط الفايسبوكي، وولى كيحط كل نهار العديد من المنشورات والفيديوهات، ها هو كيهضر على السياسة، ها هو كيهضر على الرياضة، ها هو كيهضر على التيتيز والتصاحيب، وهاد الشي اللي خلى يبان عندو منتقدين كثار، واللي كيتهموه بالعياقة والبوزات وباللي حاس براسو، وحتى هو ما ساهلش كيدير لايفات، وولى كيسجل فيديوهات يرد عليهم ويقول ليهم كيحسدوني حيث”بروفيسيونيل”.
في سنة 2017، تم تحذيره من قبل رؤسائه وقالوا ليه “باراكا عليك من العياقة وما تبقاش تلوح فيديوهاتك”، ولكن هشام تجاهل هاد الشي وكمل نشاطو الفايسبوكي، باعتباره حرية شخصية، وهاد الشي اللي خلى مديرية الأمن توقفو لمدة شهرين في انتظار اش من قرار غادي يتخد.
