صرح رياض مزور، وزير الصناعة والتجارة، بأن المغرب يطمح إلى صناعة طائرة “مغربية”، موضحا أن أكبر مشكل توجهه الصناعة المغربية هو مشكل التسويق.
وقال مزور، خلال استضافته مساء اليوم الجمعة (3 ماي)، في برنامج “بدون لغة خشب”، على إذاعة “ميد راديو”،”الطموح ديالنا الشرعي هو نجمعو طائرة اللي غتقلع من المغرب أول مرة، هنا تخرج الطيارة كاملة من المغرب”.
وأضاف الوزير: “هذا حلم كبير، وطموح شرعي، وكاين بوادر باش ننجحو، وميعادنا 2023 إنا نكونوا حققناه وإما نكونوا قربنا نحققوه”.
وتابع المتحدث مدافعا عن هذا الحلم: “الحلم ديال السيارة باش بدا؟، شكون كان يتصور أن المغرب اليوم الطاقة الانتاجية ديالو كتفوت ايطاليا، قبل 15 عام هادي شكون كيتصور هاد الشي؟، المغرب بين أنه قادر احقق ما كان يُعتقد أنه مستحيل”.
وقال مزور: “عندنا صناعة حقيقة للسيارات، والقدرات التقنية كنمتلكوها كاملة، الحاجة اللي ما كنمتلكوش هي التسويق، هو الكفاءة الوحيدة اللي ناقصنا، لذلك سيدنا ركز على علامة صنع فالمغرب”.
وعن السبيل إلى فرض علامة “صنع في المغرب”، قال الوزير: “انفرضوه كيف دارو لاخرين، راه ماشي هوما أولاد 24 شهر وحنا 9 شهور، المنتوج المغربي اليوم وصل أنه يكون معترف به وبجودته وتنافسيته، والرهان ديالنا هو تسويق منتوج مغربي بعلامة مغربية، حنا راه كنديرو كلشي وكنسوقوه بعلامتهم، هاد الشي كنشتغلو عليه، صعيب ولكن خدامين عليه. وغادين بسرعة أكبر”.