ابن كيران كيحتج على قضاء الدولة بفلوس الدولة. كيفاش؟
عبد الإله ابن كيران، رئيس الحكومة السابق، والأمين العام السابق للبيجيدي، بلا عكز عليه، وبلا تحفظ، وبلا مراعاة للمنصب ديالو السابق، حضر فجلسة المحاكمة ديال القيادي فالبيجيدي عبد العلي حامي الدين، المتهم بالمشاركة في القتل.
الحضور ديال ابن كيران شاف فيه البعض تشكيك أو محاولة للضغظ على القضاء، والبعض شاف فيه احتجاج على القضاء.
ابن كيران مشا لفاس بالطوموبيل اللي خلّات ليه الدولة، وبالحراس اللي خلّات ليه الدولة، باش يحتج على قضاء الدولة.
والمعروف أن ابن كيران، ورغم إعفائه من رئاسة الحكومة فـ2017، بقات عندو سيارة وبقاو معاه بعض الحراس.
إقرأ أيضا: ابن كيران وأردوغان والدجيب.. محاكمة حامي الدين تفضح تناقضات البيجيدي (صور)
