• حمد الله لأولمبيك آسفي: هادي البداية باش الفريق يفوز بألقاب كثيرة مستقبلا
  • في عز الحرارة.. عودة “العطش” إلى مناطق حضرية يسائل بركة
  • زخارف الأنغام.. سهرة موسيقية في الدار البيضاء تجمع بين الإبداع ودعم الشباب
  • لأول مرة في تاريخه.. أولمبيك آسفي يُتوج بلقبِ كأس العرش
  • إشبيلية.. أخنوش يمثل جلالة الملك في مؤتمر الأمم المتحدة حول تمويل التنمية
عاجل
الإثنين 24 أكتوبر 2016 على الساعة 11:06

المحلل نجيكم نيشان يكتب عن كتائب البيجيدي: الصكوعة والمدوخين!!

المحلل نجيكم نيشان يكتب عن كتائب البيجيدي: الصكوعة والمدوخين!!

المحلل نجيكم نيشان يكتب عن كتائب البيجيدي: الصكوعة والمدوخين!!

بقلم: نجيكم نيشان
يا فتاح يا رزاق، اليوم غادي نديرو شوية التحليل على هاد الوليدات ديال البيجيدي، اللي كيجبدو للشاف ديالهم الصداع وهو مشغول في تشكيل الحكومة.
الكتائب ديال البيجيدي طلعو كراد، وترقّاو من فرسان وكتائب إلى رتبة مدوخين ثم لرتبة صكعين في أقل من 24 ساعة، بأمر من ابن كيران. وما نساوش أنهم كانت سميتهم بشمركة كاع، أيام كان عمر الصنهاجي، عضو شبيبة الحزب، محيح في فايس بوك.
إنجاز تاريخي لهاد الوليدات اللي نهار وما طال شادين فايس بوك، ها هوما مدورين هادا ها هوما شادين في هادا ها هوما مضاربين مع هادا، ما خلاو لا صاحب ولا خليل لابن كيران.
غير وكان ملي كانت الانتخابات كانو هاد الصكوعة المدوخين سلاح في يد حزب العدالة والتنمية، وغير سالات الانتخابات بغاو يلجموهم وما لقاو ما يلجمو.. الوليدات ستحلاو القصف بالمدفعية الثقيلة.
وماشي غير ستحلاو القصف، بغاو يتدخلو في ابن كيران في تشكيل الحكومة. دابا هادو ماشي مدوخين؟
واحد من هاد الصكوعة والمدوخين، كان استرعا فيه عبد الإله ابن كيران، وقال ليه أنا بالله والشرع معاك يلا ما فرقني عليك، ولكن هو والو حالف حتى يبقا ينكر ينكر ينكر، ومازال غادي ينكر، حيت علاش ربيتيه علاش يكبر.