الوزير التجمعي لحسن السعدي قطر الشمع على زعيم اللايفات الافتراضية اللي فمو عرض من كتافو وعاطيها غير لجيب يا فم وقول في الفايس بوك. كيفاش؟
في حوار خص به موقع “كيفاش”، اعتبر كاتب الدولة للصناعة التقليدية والاقتصاد الاجتماعي والتضامني، لحسن السعدي، أنه ” شتان بين الواقع والعالم الافتراضي اللي كيبغي يسوقو البعض على أنه حقيقة”.
وتابع السعدي: “أنا ما كنسكتش وما كنخبيش المواقف ديالي وكنواجه وهاد الشي كيسبب ليا طبعا الحملات والمواجهات ومحاولات تشويه الصورة ولكن أنا كنزل للميدان وكنتلاقى المواطن وكنسمع رأيه الحقيقي هاد اللشي اللي كيعطيني الطاقة”.
وأكد الوزير التجمعي، على أنه ” مشاكس في العمل السياسي لأنه ما كيقدش يسكت”، مضيفا: “أنا مآمن ببعض القيم ومآمن أن عندي مشرؤوع منسجم مع قناعاتي فكنواجه… في حين هادوك كيتكلمو وكينشرو الشائعات وكيحاولو يسوّدو صورة البلاد للمغاربة والشباب”.
وشدد السعدين قائلا: “أنا ما كنقبلش هاد الخطابي العدمي والسلبي اللي كرست حياتي باش نواجهو… وهاد الشي تعلمناه من سيدنا الله ينصرو حيث أنه جميع الأزمات اللي دازت منها البلاد والعالم كتلقى سيدنا كياخذ خطاب الإيجابية والتفاؤل وكيحبب الشعب ديالو فبلادو”.
