أحمد الحاضي
شخص الممثل أنس الباز شخصية الكاتب والشاعر عبد اللطيف اللعبي، في فيلم جديد «نصف السماء»، وهو الفيلم الذي تعرى في إحدى لقطاته.
الباز، الذي حل ضيفا على حلقة خاصة من برنامج «في قفص الاتهام» من مراكش، اليوم الجمعة (12 دجنبر)، قال: «راه ما كاينش شي ممثل كيقول بغيت نتعرا، راه المخرج هو االي كيقرر، والعرا االي تعريت مستور، وملي تفرجت في الفيلم بان بأن اللقطة عادية، والجرأة في فيلم كتكون مزيانة واخا شي مرات كتجي في شكل، ماشي تصورت عريان في شي فيلم ديال بورنو».
وأضاف: «في الفيلم جا عندي المخرج وقنعني باش نصور عريان، حيت في داك الوقت كانو كيديوهم ويعذبوهم وكيديرو ليهم أكثر من داك الشي».
وعن ما كتب عنه قال: «اللي قالو باللي كنت كندور في بلاطو التصوير عاري راه كذبة، والله حتى كذبة، حيت كنت لاوي عليا فوطة، وفي البلاطو ما كانوش النساء، واللي كتبت داك الشي راه دار إشهار للفيلم، السيدة اللي قالت هاد الشي كان عليها تجيب الدليل ديال هاد الشي اللي كتبات، وراه ملي تكتب داك المقال بقا فيا الحال، وملي مشيت للبلاطو اليوم الموالي مشيت عند واحد بواحد نسولو واش درت شي حاجة ضراتو قالو لي ما درتي والو حنا معاك».
وأوضح الباز أنه شاهد الفيلم إلى جانب والده وقال: «الفيلم شفتو قدام الوالد، واخا محافظ، حيت عاش ديك الفترة وعانا منها وتشد حتى هو».
ورفض الباز الكشف عن الأجر الذي تقاضاه عن دوره في “نصف سماء”، مكتفيا بالقول إنه يقل عن عشرين مليون سنتيم.
