رد هشام آيت منا، رئيس مجلس إدارة شركة شباب المحمدية، عن الجدل الذي أثاره بعد دخوله إلى أرضية ملعب المركب الرياضي محمد الخامس بالدار البيضاء، قبل انطلاق المباراة التي جمعت الرجاء بشباب المحمدية.
وأوضح آيت منا في تصريح لإذاعة “راديو مارس” سبب دخوله أرضية الملعب قائلا: “أنا دخلت للتيران بصفتي رئيس الشركة ديال شباب المحمدية والناصري رئيس ديال الجمعية، وأنا اللي كنوقع على الانتدابات وكل الأمور المتعلقة بالنادي، وليست الجمعية”.
وأضاف “أنا ماشي بغيت نهبط للتيران صحة، را القانون كيخول لينا نستافدو من 5 ديال الاعتمادات ديال المنطقة المختلطة، ياخذهم أي واحد كيف ما كان نوعو المهم حنا اللي نختاروه”.
وتابع “بالنسبة للبادج كان فيه صحافي را غير وقع خطأ، والبادج ديالي تغالط مع البادج ديال صحافية فرنسية وملي شفنا الخطأ عطيتها ديالها وخذيت ديالي”.
وأوضح آيت منا أن “الرجا ما بغاوش يعطيونا البادجات بلعاني باش حنا نضاربو معاهم، أنا ملي هضرت مع البدراوي علاش ما عطاونيش البادج ديالي قال ليا الله يخليك را الجمهور ديالنا غادي يبدا يعاير ويسب فينا بلاما نحرجوه، قلت ليه كيفاش بلاما نحرجوه واش باش دير انت الخاطر للجمهور ديالك نتخلى أنا على فرقتي ما يمكنش”.
وتابع: “أنا فگاع الماتشات كندخل للتيران باش كنقدم الدعم المعنوي للاعبين وكندير ليهم المورال، وهاد الشي نفسو اللي درت فماتش الرجا”.
وأضاف: “ما عمر طرا شي مشكل حتى لهاد الماتش حيت هما خايفين من الجمهور.. أنا ما خايفش من الجمهور.. أنا ما حطنيش الجمهور”.
وزاد قائلا: “هذا بالنسبة ليهم ماشي ماتش عادي، هنا ربحونا بحال يلا داو عصبة الأبطال الإفريقية”.
وأضاف: “آيت منا ولى ضارهم وواحل ليهم.. وهما دارو هاد الشي كامل باش ينوض الصداع.. راه جاو عندي وقالو ليا علاش لبستي الحمر واش انا فرقتي اللون ديالها احمر وكيقولو ليا علاش لابس الاحمر.. وراه الرئيس ديالهم داير كاسكيط حمرة يمشيو يحيدوها ليه”.
