علق وزيرالفلاحة والصيد البحري والتنمية القروية والمياه والغابات، محمد صديقي، على الارتفاع الصاروخي الذي تعرفه أسعار زيت الزيتون، مشددا على أن ذلك راجع إلى عدة عوامل.
وقال الصديقي، خلال استضافته، يوم أمس الأربعاء (20 دجنبر)، في برنامج “مع الرمضاني”، على القناة الثانية “دوزيم”، إنه “عندنا نقص في الإنتاج هاد السنة تقريبا بمليون و100 ألف طن يعني تقريبا 74 في المية، وهاد الغلا ديال زيت الزيتون راجع لعدة عوامل من بينها الجفاف وقلة المياه وكانت بعض موجات الحرارة في وقت الإزهار ديال الزيتون وحتى فالوقت اللي كانت الحبوب الأولى ما زال ما وصلتش للإزهار وطاحت”.
وأضاف أن بعض المناطق تضررت بشكل كبير وانخفض فيها إنتاج الزيتون، بينما هناك مناطق أخرى لم تتضرر مثل تازة، العطاوية، مراكش، وغيرها.
وأشار وزير الفلاحة إلى أن “زيت الزيتون را ماشي غير عندنا اللي غالي، ولكن را غالي على صعيد البحر الأبيض المتوسط، حيت عندنا 4 حتى لـ5 الدول اللي كتنتج الزيتون وكتمول السوق العالمي وكتعيش نفس المشكل”.
وأوضح الوزير محمد صديقي أنه تم منع التصدير، قائلا “حنا اضطرينا باش يكون عندنا تقنين ديال التصدير يعني ما بقاش التصدير بالمنطق ديال شحال هادي، والمنتجين المغاربة اللي دارو الاستثمار وكيثمنو المنتوج الوطني، كيخدمو الناس، هادوك كنسمحو ليهم يصدرو بالقراعي يعني بواحد الحجم اللي هو محدد”.
وختم حديثه بالقول “اللي منعنا هو هداك البراك اللي كيجيو يجمعو الزيتون وكيمشيو حتى لبرا عاد كيثمنوه يعني خضعنا هاد التصدير لواحد التصريح اللي كيكون فالأول، وزيت الزيتون يثمن في المغرب عاد يتصدر”.
