رفض وزير الصحة والحماية الاجتماعية، أمين التهراوي، اعتبار أن قطاع الصحة لا يحظى بأولوية من قبل الحكومة.
وقال الوزير، خلال استضافته في لقاء خاص على القناة الثانية “دوزيم”، مساء اليوم الاثنين (6 أكتوبر)، “لا يمكن القول بأن قطاع الصحة ليس أولوية، كنستثمروا ميزانية هائلة اللي ما عمرها كانت، حاليا عندنا خمس مستشفيات جامعية وخدامنا على ستة اخرين في افق كل جهة يكون فيها مستشفى جامعي”.
وأضاف الوزير: “الآن التوجه واضح، كل جهة خاص يكون فيها مستشفى جامعي وحاليا كنسرعو الأشغال فديتل اكادير والعيون ونبي ملال، وعندنا ايضا إعادة تأهيل المراكز الصحية الاولية (المستوصفات) قمنا بتأهيل ألف مركز صحي مجهز وكيشتغل وفيه الاطر ديالو، وغنأهلو 1400 مركز آخر غتكون من دابا لاخر السنة جاهزة، وغتبقى 1600 مركز اخر خاصنا نجهزوه ونوضعو ليها ميزانيتها، والمغرب كامل فيه 3000 مركز، وهاد 2400 مركز راه مادارتش في عشر سنين راه تدارت فعامين”.
وتابع الوزير مستعرضا مجهود الوزارة في هذا السياق: “من 2022 إلى 2025 خرجنا تقريبا 25 مستشفى خدام وفيه التجهيزات والاطر، بحال ديال تنغير اللي ماكانش فيها مستفشى كانوا كيمشيو لورزازت، دابا عندنا مستشفى في تنغير. وكاين مستشفى الحسيمة ومستشفى الدريوش اللي كلهم كانوا كيتنقلوا للمناطق المجاورة”.
وزاد المسؤول الحكومي: “حاليا كنحاولو فهاد 2025 نهرجو 24 مستشفى اخرى، اللي غيحلوا لينا مشاكل”، قبل أن يستدرك: “ماشي كنقولوا هاد الإنجازات كافية، كنفتخرو بها ولكن ماكنقولوش راه كافية”.
وقال الوزير التهراوي: “منذ توليت المسؤولية، منذ 11 شهرا، نزلت للميدان وشفت مستشفات بحال مستشفى الفرابي في وجدة ومستشفى الداخلة اللي كان نقطة سوداء حيت البنية التحتية ديالو متدهورة”.
وشدد على أن “البنيات التحتية ماشي مشكل راهني، هو تراكم لعشرات السنين اللي وصلاتنا لها الوضعية فبزاف ديال المستفشات”.
