قال وزير الشباب والثقافة والتواصل، المهدي بنسعيد، إنه بعد نهاية الحجر الصحي الذي فرضته جائحة فيروس كورونا التي اجتاحت العالم، ظهر العنف في جميع مباريات كرة القادم على المستوى العالمي والمهرجانات وغيرها.
وأضاف بنسعيد خلال استضافته في برنامج “العصابة”، أنه “نديرو مقارانات مع ما يجرى فالعالم، فاش خرجنا من كوفيد شنو جرا فمجموعة ديال التيرانات الكرة كان العنف بزاف، حيت بنادم سديتي عليه عامين، بدا كيخرج داكشي فالتيرانات”.
وتابع “لاحظنا بأن مجموعة ديال المباريات فأوروبا جرا شوية ديال العنف من هادوك الشباب اللي كان مسدود عليهم لمدة عامين، إذن ما يمكنش حنايا فمجتمع خارج المنظومة الدولية، حتا حنا راه سدينا على وليداتنا لمدة عامين، إذن فاش رجعو هاد المهرجانات وهاد مباريات كرة القدم جرى شوية ديال المشاكل”.
وشدد بنسعيد على أن “دابا هاد المتنفس اللي رجع خاصنا ندبرو هاد الأمور، را خاصنا نحاولو نواكبو الشباب ديالنا كيفما قلت فالبرلمان باش مرة أخرى نوصلو للتحدي اللي بغينا نوصلو ليه حيت اللي كيجمعنا أقوى من اللي كيفرقنا، وخاصنا نحتارمو الجمهور”.
