علقت نبيلة منيب، البرلمانية باسم حزب الاشتراكي الموحد، على قرار الحكومة فرض جواز التلقيح.
وقالت منيب في تصريح لموقع “كيفاش”، خلال حضورها جلسة الأسئلة الشفوية بمجلس النواب التي يحضرها وزير الصحة والحماية الاجتماعية خالد آيت الطالب، إن فرض جواز التلقيح جاء بشكل مفاجئ وما تعطاتش حتى شي مهلة وما تفتحش نقاش حولو يعني نقاش عام ولا داخل المؤسسات”.
وأضافت منيب “نحن نخشى أن يكون هاد جواز التلقيح وسيلة من أجل فرض إجبارية التلقيح… وحنا كنعرفو أن الحرية والتطوع فأخذ التلقيح مكفول بالدستور وبالقوانين اللي وقع عليها المغرب في المعاهدات الدولية إذن إجبارية التلقيح ما يمكنش تكون”.
وانتقدت منيب عدم تواصل وزارة الصحة مع المواطنين قائلة “كاين مسألة عدم توفر المغاربة عموما على المعلومة بخصوص الوضعية ديال هاد الوباء وفين وصلنا في الحد من هاد الوباء ويشرحو لينا واش كاين شي تخوف من موجة جديدة أو غيرها وشنو اللي كيبرر اليوم دفع المغاربة إلى تلقي الجرعة الثالثة”.
وفي جوابها عن سؤال حول كيف ستدخل البرلمان بسبب عدم توفرها على جواز التلقيح، قالت البرلمانية منيب “انا غادي ندخل بتحليل “بي سي إر” سلبي حيت مكتب البرلمان اجتمع وتداول فهاد المسألة أن البرلمانيين يدخلو بجواز التلقيح ولا بي سي إر سلبي”.
