أحمد فنان
كشف الفنان المغربي مصطفى الزعري أن اسمه الحقيقي هو جمال الدين مصطفى، وأن مصطفى الزعري هو مجرد اسم فني، لأنه ينتمي إلى منطقة زعير.
الزعري، الذي حل ضيفا على برنامج “في قفص الاتهام”، على إذاعة ميد راديو، اليوم الجمعة (7 يونيو)، كشف أيضا أنه تزوج أربع مرات في حياته، وقال: “ملي درت 18 سنة تزوجت، زواج الواليدين، ومن بعد طلقت منها بستة ديال الوليدات، ومن بعد تزوجت الثانية والثالثة والرابعة، وما حد الإنسان حي وهو غادي ويتزوج، والشباب ديال اليوم يقدر على كل شي إلا الزواج”. كما أضاف: “تلاقيت مع الداسوكين في الخيرية التي كنا نشتغل فيها، وطردت منها لأسباب نقابية، وهو اكتشاف ديالي وفنان كبير”.
أما عن حالة الفن والفنانين فقال الزعري: “اللي كيجي للفن وباغي الفلوس راه غالط، والاتصال مع الجمهور ما كاينش الفلوس، وما كاينش الفلوس اللي كنستحقو، عندنا باش نعيشو ونعيشو ولادنا على قد الحال.. وراه خاصنا الإمكانيات باش الفن يزيد وما كيبقاش واقف، حنا كنقلبو على المعيشة قبل من الفن”.
وبخصوص الفيديو الأخير، الذي ظهر فيه متحدثا في مجلس النواب، في يوم دراسي نظمه فريق العدالة والتنمية، أوضح الزعري أنه صرخ من أجل الفن والفنانين، وقال: “أنا ما صرختش في البرلمان: وا عتقو الروح، على ودي أنا، أنا صرخت على ود الفن والفنانين اللي كيعانيو”.
وردا على الفنان نعمان الحلو، الذي قال إن اليوم الدراسي المذكور تحول إلى مناسبة للحديث عن الحالات الخاصة: “نعمان الحلو خاص يصلح داك الشي اللي قال على الفنانة كيبكيو وما إلى ذلك، حيت هو مشى قبل مداخلات الفنانين، والمهم ما حضر لا للبكا لا للزغاريت”.
وعن حالة الفن في المغرب قال الزعري: “الفنان في المغرب حالة خاصة وشاذة، كاين اللي كيعرف يوصل وكاين اللي ما كيعرفش يروج لراسو، وداك الشي علاش الواحد العديد من الفنانين ما كيتشهروش وكيتشكاو… وخاص الدولة تدير فرق وطنية جهوية لدعم الفنانين، وعضة من الكلب ولا يمشي فالت”.
كما كشف الزعري أنه لا يعرف الانتماء السياسي لوزير الثقافة، وقال: “ما كنعرفش وزير الثقافة من أي حزب، كنعرفو مغربي وصافي، وتلاقيت معاه في عشاء وبركنا في طبلة واحدة وكان السيد متواضع”.
كما هاجم الزعري وزراء الثقافة المتعاقبين على المغرب بالقول: “ملي شدينا الاستقلال وكل الوزراء اللي تعاقبو على هاد البلاد خايبين وكلهم مشاو كيقلبو على الوزارات اللي فيهم الفلوس، وأضعف ميزانية في المغرب هي ميزانية وزارة الثقافة، وعمرنا ما سمعنا وزير هدد بالاستقالة حيت ما عندوش ميزانية”.