في تطور جديد في قضية مقتل الطالب المغربي محمد المعتمد، في وقت مبكّر من صباح أمس الاثنين (26 يونيو)، في أوكرانيا، بعدما اعتدى عليه مواطن أوكراني، حمل الطلبة المغاربة في أكرانيا مسؤولية مقتل زميلهم “للشرطة الأوكرانيا ولسيارة الإسعاف التي تهاونت في نقل الضحية إلى المستشفى”.
ونظم زملاء الطالب المقتول وقفة احتجاجية أمام مقر الشرطة التابع للمنطقة التي وقع فيها الحادث، حيث تلا محامي الطالب محمد المعتمد بلاغا حمل توقيع جل الطلبة الحاضرين في الوقفة، حملوا فيه مسؤولية ما حدث لعناصر الشرطة.
وعن تفاصيل ماحدث، يقول مصدر من الطلبة المغاربة في أوكرانيا لموقع “كيفاش”، “اللي وقع هو أن الطالب كان هو وصحابو فواحد المطعم، وتهرس شي كاس فطلبو منهم يخلصو غرامة على داك الكاس مقدارها حوالي 11 دولار، فالطالب جاه المبلغ كبير بالنسبة لكاس، وإذا بشي أوكرانيين كانوا تما بغاو يتدخلو باش يخلصو.. المهم منين خرج الشاب تحاماو عليه 3 د الأوكرانين ووجهوا ليه طعنات قاتلة فالقلب والفخذ”. وعن “تقصير” رجال الإسعاف، يضيف المصدر ذاته، “منيت جات الإسعاف ما دارو ليه والو رغم أنهم وصلو وبقاو كيتفرجو بدون أي تحرك حتى قلبو صاحبو وقال ليهم راه باقي كيتنفس وهما يبداو يديرو ليه التنفس الاصطناعي وبعد دقائق حاولو ينعشو القلب ديالو وهاد الشي كامل فالشارع وماشي وسط سيارة الإسعاف اللي خاصها تكون فطريقها للمستشفى باش ينقلو ليه الدم لي فقد ويتدخلو جراحيا.. المستشفى اللي كايبعد على مكان الحادت ب150 متر، كيف كيوثق الفيديو ديال الحادث”.
كما اتهم المصدر ذاته عناصر الشرطة التي حضرت إلى مكان الحادثة “بالتقصير”، مشيرا إلى “أن الشرطة غادرت مكان الحادت بدون أي تحقيق وبدون إعارة أي اهتمام لروح الفقيد، مع العلم أن مكان الحادت مملوء بكاميرات المراقبة للأبناك”.
وانتقد المصدر ذاته طريقة تعامل السفارة المغربية مع الحادث، قائلا: “الشباب المغاربة باش ما تضيعش روح الفقيد وتدخلو بعض الإخوان فالسفارة السودانية واتصلوا بالسفارة المغربية اللي جاوباتهم أنهم في عيد وأنهم في عطلة”، مضيفا: “دابا حنا كجالية اللي ضرنا كثر هو غياب أي تفاعل من السفارة المغربية وتدخل السفارة السودانية لمساعدة الطلبة المغاربة، وصلنا لواحد الدرجة حتى ولاو الناس لاخرين كيشفقو علينا وكأننا لاجئين وهذا هو اللي خلى الطلبة يغضبو ويحقدو كثر لأن كيشوفو بلادهم ما عاطياهمش قيمة”.
وكان طالب مغربي، يتحدر من مدينة الصويرة، يدعى محمد المعتمد، ويتابع دراسته في تخصص طب الأسنان، توفيرفي وقت مبكّر من صباح أمس الاثنين (26 يونيو)، في أوكرانيا.
