خرج رئيس فريق الرجاء الرياضي، محمد بودريقة، عن صمته لتوضيح حقيقة الأخبار المتداولة حول وجود تكتلات بين اللاعبين.
وفي تصريح لصفحة “أنصار الرجاء”، نفى محمد بودريقة الأخبار الرائجة، قائلا “كتخرج إشاعات بين الفينة والأخرى حول بعض اللاعبين اللي كتقول بأن كاين نقابة داخل الفريق، أنا كرئيس وكمكتب مديري قريب من اللاعبين أنفي نفيا قاطعا مثل هاد السلوك داخل اللاعبين ديالنا”.
وأضاف “اللي كنبغي نقول ماشي من الضروري كل سنة نوجهو السهام ديالنا لشي لاعب، دابا مشى مذكور بحالو، نوضو نوجهو السهام ديالنا للاعب x وy هاد الشي كيدار ملي كنبغيو نلقاو الأعذار”.
وتابع رئيس الفريق الأخضر أن “اليوم جميع اللاعبين يتحملون مسؤولية الأداء ومسؤولية ما يقع داخل رقعة الملعب، وحتى المدرب مسؤول على كل ما يقع وعلى التشكيل اللي كيدخل وعلى الانتدابات وعلى الجانب البدني، يعني خاص الجميع يتحمل المسؤولية ديالو”.
وتوجه بودريقة بالشكر إلى جماهير فريق الرجاء على مجهوداتهم، قائلا “الجمهور مشكور على الأداء الرائع اللي كيقدم، ولكن مسألة النقابة أو ما شبه فهي فقط إشاعة مغرضة هدفها التشويش”.
وواصل حديثه بالقول إن “اليوم حنا كمكتب مديري لم ولن نسمح بمثل هاد التصرفات، واللاعبين عارفين بأن هاد التصرفات داخل النادي مصيرها الطرد، وعندما أقول الطرد فكيف ما كان نوع أي لاعب”، مشيرا إلى أن “اجتماعاتنا مع المدرب كتكون فيها المسؤولية ونوع من الصرامة لأن المدرب هو الوحيد المسؤول عن كل ما يدار داخل الفريق الأول”.
وختم حديثه بالقول “الحمد لله اليوم اللاعبين في انضباط تام، كاين بعض الأشياء اللي هي عادية داخل كرة القدم ولكن بصفة عامة الأجواء جيدة واللاعبين كيقدمو كل ما عندهم، فقط كتبقى لينا المشكل الهجومي وبعض الأشياء اللي غيحاول المدرب يشتغل عليها فهاد الأيام”.
