محمد المبارك
بعد تأهل المنتخب المغربي إلى كأس العالم، راجت أخبار باللي منير الحدادي، لاعب نادي الافيس الإسباني والمعار من فريقه الأصلي برشلونة، أعلن الرغبة ديالو يلعب مع المنتخب المغربي.
المغاربة ما نساوش واحد من التصريحات اللي قال فيها باللي لو أتيحت له الفرصة يختار بين إسبانيا والمغرب غادي يختار إسبانيا، ودارو حملة على الفايس ضدو زعما ما بغاوهش يرجع ولو كان هو اللي غادي يجيب لينا كأس العالم، بمبدأ “اللي ما بغاني مرة ما بغيتو 100 مرة”.
القرار كيبقى للمدرب هيرفي رونارد ورئيس الجامعة، ولكن العودة ديال منير غادي دير جدل واسع وسط الجمهور المغربي.