إدريس المرواني (الرباط)
عبد الإله بنكيران، رئيس الحكومة، اللي نوض قربالة، يوم الجمعة الماضي (7 دجنبر)، مع المستشارين ديال البام، اعتذر يوم أمس الاثنين (10 دجنبر). كيفاش؟
الشيخ بيد الله، رئيس مجلس المستشارين، مشا هو ومكتب المجلس لعند رئيس الحكومة باش يتناقشوا في ميزانية المجلس، حيث بنكيران ما دارش معاهم الصواب كيفما دار مع مجلس النواب ملي اجتمع مع مكتب كريم غلاب وزادهم في الميزانية 9 مليارات. بيد الله جمع الفرقة ديال الغرفة الثانية ومشا عند بنكيران لمقر رئاسة الحكومة.
مصادر قالت لـ”كيفاش” إن رئيس الحكومة كانت راشقة ليه وناض وعنق بيد الله وسلم على أعضاء المكتب كاملين واعتذر على داك الشي اللي جرا نهار الجمعة.
ما كاين باس.
