إدريس المرواني (الرباط)
حكيم بنشماش، رئيس فريق الأصالة والمعاصرة في مجلس المستشارين، قال اللي ليها وطالب مصطفى الرميد، وزير العدل والحريات، باش يفتح تحقيق مع عبد الإله بنكيران، حيث رئيس البام في مجلس المستشارين ما قبلش على راسو أنه يكون في حزب وصفو بنكيران بالمتحكم في رقاب الناس وبالحزب اللي كيدخل عباد الله للحبس. بنشماش قال للرميد نوض دير خدمتك وفتح تحقيق قضائي مع بنكيران اللي هو الرئيس ديالك في الحكومة وفي الحزب.
الرميد كان بعقلو وجاوب حكيم بنشماش بأن النقاش السياسي يلا تفتح معه الدعاوي القضائية حتى واحد ما ضامن فين غادي توصل القضية، ولهذا، يضيف الرميد، خليو النقاش هنا واخا يكون سخون وردوا على بنكيران ولا على أي واحد ولكن بلا قضاء، حيث الله أعلم فين غادي تخرج القضية.