شدد البروفيسور مصطفى الناجي، مدير مختبر الفيروسات في جامعة الحسن الثاني في البيضاء وعضو لجنة التلقيح، على أنه من الضروري تلقيح الأطفال الأقل والأكثر من 12 سنة.
وقال الناجي في تصريح لموقع “كيفاش”، إن: ” الأطفال اللي عندهم ما بين 12 و18 سنة يمكن ليهم يتلقحو وهادي مسألة جد إيجابية”.
وأضاف الناجي “الأطفال ملي كيتزادو وهما كياخدو لقاحات أخرى والحمد لله ما كيكون حتى شي إشكال علاش بغينا نقصيوهم من التلقيح ضدوباء كورونا اللي كيصيب كاع الناس”.
وأوضح البروفيسور أن “را اللي صعيب هو أنهم يتصابو بهاد المرض… اللقاح عبارة عن بروتينات كتقوي مناعة الشخص فهو خاصو يتخاذ فوضعية آمنة ويكون بعد ذلك تتبع طبي وما غادي يكون حتى مشكل”.
وفي إجابته عن سؤال حول تلقي الأطفال الأقل من 12 عاما للقاح، قال الناجي: “جد إيجابي أن الأطفال أقل من 12 عام ياخدو التلقيح فمثلا في الستينيات الأطفال الصغار تقاسو بشدة من فيروس البوليومييليت فوقيتة ما كاناش اللقاح موجود”.
وأضاف: “اليوم كاين فيروس ديال كورونا اللي كيقيس الأطفال وكثير منهم مقيوسين واليوم كاين لقاح وهو جد إيجابي وما عندو حتى شي ضرر”.
