مهدي رابح شاب مغربي عمرو 18 سنة، من مواليد مدينة الرباط، عندو موهبة كروية من الصغر ديالو ومهارات في التحكم بالكرة.
وكأي طفل مغربي كيلعب كرة القدم، مهدي رابح تدرج من فرق الحي اللي كانت أولها “جمعية حي التقدم”، ومن بعد لعب مع تواركة ثم جمعية سلا، وهنا صقل الموهبة ديالو رفقة مدربين رياضيين.
وحاليا المهدي كيلعب مع جمعية سلا لكرة القدم في القاعات، وكيتسنى شي عرض من أحد الأندية ديال كرة القدم باش يبدا يلعب، ويدخل لعالم الاحتراف ويوصل للهدف ديالو، اللي هو اللعب في أعلى مستوى وتمثيل المنتخب المغربي.
