رفضت وزيرة الانتقال الطاقي والتنمية المستدامة، ليلى بنعلي، التعليق على “حملة ارحل أخنوش” التي انطلقت منذ أسبوع، على مواقع التواصل الاجتماعي، واكتفت بالقول: “واش خاصني نتافق مع هاشتاكات؟ راه كان شي هاشتاگ ديال لقجع ارحل!”.
وقالت بنعلي، خلال استضافتها في برنامج “بدون لغة خشب”، اليوم الجمعة (22 يوليوز)، على إذاعة “ميد راديو”، مخاطبة المغاربة: “حنا حاسين بيكم وعارفين بأن الأزمات تراكمو عليكم، ولكن راكم عارفين علاش جيت وما غاديش نوقف، أحب من أحب وكره من كره”.
وأضافت: “الإرادة كاينة، خاصكم تخليونا نخدمو، أنا ما غنهضرش على الهاشتاگ، حنا جربتونا فمشروع ديال الغاز الطبيعي ودابا غنحاولو نحلو المشاكل الأخرى، ونردو المسار ديال المغرب للمغرب اللي بغينا”.
واستبعدت الوزيرة اللجوء إلى دعم المحروقات، وذلك بسبب تكلفته الباهظة، موضحة: “دعم البوطا كيوصل تقريبا لجوج مليار، وملي كتشوف دعم السكر والقمح والبوطا وتزيد عليهم دعم غير مستهدف وغير مباشر، الفاتورة طلعات بزاف هاد الشي بلا دعم المحروقات”.
ولمحت الوزيرة إلى إمكانية مراجعة السياسة الضريبية، وقالت: “القانون المالي للعام الجاي كاين تفكير من قبل بعض أعضاء الحكومة فكيفاش كتدار السياسة الضريبية فالمغرب”.
وأضافت المسؤولة الحكومية: “المغاربة حاطينهم فبالنا، وأنا أكثر وحدة حاسة بالمغاربة لأنه عندي قطاع اللي فيها قطاعات حيوية، ومن بينها النفايات اللي على ودها كانت غتطيح الحكومة فلبنان”.
