يترقب متتبعو كرة القدم المغربية، القائمة النهائية للمنتخب الوطني، التي سيعلن عنها وليد الركراكي، يوم غد الخميس (9 نونبر)، للدخول في معسكر إعدادي، في إطار التحضيرات للاستحقاقات القادمة.
وعن توقعاته للاعبين الذين من الممكن أن تتم المناداة عليهم من قبل الركراكي، أكد المدرب الأسبق للمنتخب الوطني والمحلل الرياضي، حسن مومن، أن صاحب مقولة “ديرو النية” أدرى بلائحته لأنه لديه متابعة مستمرة لجميع اللاعبين.
وقال مومن في تصريح لموقع “كيفاش”، إن “الركراكي بوحدو اللي أدرى باللائحة وعندو متابعة لمجموعة من اللاعبين ليس فقط البطولة المحلية، وإنما عندو متابعة لجميع اللاعبين اللي فأوروبا”.
وأضاف “كنعرفو الغيابات الآن اللي صريحة هي ديال أملاح لأنه هو اللي تعطب في آخر المقابلات وكاين تدريجيا الرجوع ديال بوفال من بعد الإصابة يعني يقدر يكون فاللائحة يقدر ما يكونش”.
وتابع “أمرابط فهاد الأيام ما بقاش كيلعب ولكن أكيد غادي يكون فاللائحة لأنه عنصر فعال ومحترف بمستوى عالي”.
وأوضح المحلل حسن مومن أنه “يلا شفنا الأماكن اللي فيهم خصاص في وسط الميدان الحمد لله كاين مجموعة من اللاعبين اللي جيدين بحال أمير ريتشاردسون اللي عطى قناعات جيدة، وكاين لاعب جينك البلجيكي بلال الخنوس، وكاين كذلك فنفس المكان اللاعب اسماعيل الصيباري هادو كلهم يقدرو يعوضو مكان سليم أملاح”.
أما على مستوى وسط ميدان دفاعي، يضيف المدرب الأسبق للـ”الأسود”، “كاين أمرابط، والعزوزي كانت تعطاتو فرصة لأن جبران ما كانش عطى مستوى جيد ولكن كنظن أن جبران غادي يكون متواجد فاللائحة خاصة وأنه رجع المستوى ديالو اللي كان عليه قبل كأس العالم وهذا جيد”.
وعلى مستوى الهجوم، قال مومن “الحمد لله جميع اللاعبين في الجاهزية ديالهم وربما الإخوان مايي يقدرو يرجعو للواجهة”.
وواصل مومن توقعاته قائلا “اللي ممكن يكون جديد فاللائحة هما عودة الإخوان مايي والبوشواري وجبران، وربما بوفال يقدر يسترجع العافية ديالو ويتنادى عليه ورحيمي من فريق الرجاء حتى هو بدا هاد الموسم بداية قوية”.
وختم حديثه بالقول “الركراكي عندو متابعة لجميع اللاعبين وهادو بعض الانطباعات الاستباقية، كنتمناو الركراكي يكون موفق فالختيارات ديالو”.
