الصويرة ضاربها شي عوينة.. بوليس كانوا فسيدي بولعلام دارو كسيدة وهوما راجعين للرباط

محمد المبارك

الأحداث المأساوية وحدة مرى وحدة فالصويرة. كيفاش؟
من بعد الفاجعة اللي وقعت فسيدي بولعلام، واللي مات فيها 15 مرا، البارح (الاثنين 20 نونبر)، عناصر من شرطة التعزيزات اللي كانت كتحقق فالحادث، تعرضوا لحادث سير ملي كانو راجعين.
الحادثة وقعت بالضبط في منطقة بيركوات اللي بعيدة على سيدي بولعلام بـ14 كلم فقط.
الحادث خلف إصابات بين رجال الشرطة واللي دابا كيتلقاو العلاج في مستشفى محمد بن عبد الله في الصويرة.