انتقد عبد الوهاب السحيمي، عضو تنسيقية الأساتذة حاملي الشهادات، وعضو التنسيق الوطني لقطاع التعليم، رفض وزارة التربية الوطنية والتعليم الأولي والرياضة، الجلوس إلى طاولة الحوار مع التنسيقيات.
وقال السحيمي، خلال استضافته، اليوم الجمعة (5 يناير)، في برنامج “بدون لغة خشب”، على إذاعة “ميد راديو”، “معظم الوزارات، ومن وزارة العدل والصحة وزارة الداخلية في شخص الوالي السابق، استقبلت التنسيقيات، الآن كاينين فالشارع 3 د الأقطاب، هما التنسيق الوطني لقطاع التعليم والتنسيقية الموحدة لهيئة التدريس وأطر الدعم والتنسيقية الوطنية لأساتذة التعليم للثانوي التأهيلي”.
وأضاف عضو التنسيق الوطني للتعليم: “حنا ما بغيناش الاحتجاج، هادوك اللي كيتحاورو دابا (النقابات) عندهم ملفات ديال الناس قويين عندهم، وهاد الحوارات اللي دازو لبوا المطالب ديال هاد الناس، وهاد الأساتذة اللي خارجين من 5 أكتوبر، وكيقتطعو ليهم وكيتخلى دار بوهم ما استفدو والو”.
واعتبر المتحدث أن الاقتطاع من أجور الأساتذة المضربين “إجراء غير قانوني”، قائلا: “هاداك إجراء ما عندوش أساس، غتقطتع ليا 200 درهم ولا 300 درهم على أي أساس؟ كيفاش حسبتيها؟، وحنا أمام اضراب ماشي تغيب، والحكومة تقتطع بناء على مذكرة ديال ابن كيران تتعلق بالغياب غير المبرر، نحن نمارس حق دستوري ويقتطع لنا بموجب مذكرة!، هادا راه مضرب عن العمل وحاضر ماشي غايب”.
وتابع: “وزارة الفلاحة كانوا اقتطعوا ليهم 4 سنوات، ورجعو ليهم كاع الاقتطاعات، ووزارة التعليم العالي دارو إضرابات وما قتطعوش ليهم، ياك حنا فبلاد وحدة؟ حنا كنحسو داخل قطاع التربية الوطنية أننا ماشي غير محكورين ولكن نهاجم، هاد الناس تسناو عامين قبل ما يديرو الإضراب، كاين فعل خرجهم للاحتجاج والإضراب”.
وقال السحيمي: “قبل 5 أكتوبر تسنينا النظام الأساسي عامين، وهاد النظام الأساسي غيرهننا لسنوات، ولكن الحكومة تكرر وتستمر في إنتاج الازمة، لأنها تكثمت على النظام الأساسي، وتمت الهرولة للمصادقة عليه، ودرنا نداءات باش ما يدوزوهش فالجريدة الرسمية، كان المفروض إشراك رجال ونساء التعليم، راه اللي خرج على القطاع هو التسرع”.
واعتبر ضيف “بدون لغة خشب” أنه كان الأجدر بالحكومة يحب النظام الأساسي عوض تجميده، موردا: “لو أن الحكومة سحبت النظام الأساسي كنا غنرجعو، هوما خداو داك النطام الأساسي وبقاو كيخيطو فيه وكيفصلوه على حساب دوك اللي كيحضرو معهم”.
وزاد المتحدث: “لو كنا باغين نديرو العصا فالرويضة كنا فاش عيطو على fne وعرضات علينا نمشيو معها كتنسيفيات، كنا نرفضو ونشرطو عليهم ايعيطو علينا كتنسيقيات، ولكن حنا قلنا مرحبا”.
واسترسل عضو التنسيق الوطني للتعليم: “حنا ما عندناش مشكل الشكل حنا ما يهمنا هو النتائج، لأن المغاربة وكلشي عارف علاش الأساتذة خارجين، حنا بغينا نظام أساسي نلقاو راسنا فيه، ويكون تدار بناء على إشراكنا فيه وتوصياتنا ومقترحاتنا”.
