عبر عبد الوهاب السحيمي، عضو تنسيقية الأساتذة حاملي الشهادات، وعضو التنسيق الوطني لقطاع التعليم، عن استعداد رجال ونساء التعليم المضربين للعودة إلى الأقسام شريطة الجلوس معهم إلى طاولة الحوار.
وقال السحيمي، خلال استضافته، اليوم الجمعة (5 يناير)، في برنامج “بدون لغة خشب”، على إذاعة “ميد راديو”، “حنا مستعدين نرجعو من غدا، من غدا حنا واجدين، كاينين مجموعة من المطالب… واش كاينة شي حاجة تمنع الوزير من الإنصات؟، حنا كنطالبو غير اسمعو لينا غير نفرغو قلبنا عليهم”.
وأضاف: “ما عندناش مشكل نجلسو فيما بغيتو، إيلا عندكم مشكل نجلسو فالمقر ديالكم نجلسو فالقهوى نجلسو فالشارع، ما عندناش مشكل، حنا بغينا نرجعو لمقرات العمل اليوم قبل غدا، هادوك راه وليداتنا وحنا أولاد الشعب وقرينا فالمدرسة العمومية وحاسين بدوك الوليدات، ولكن كنقولو ليكم استمعوا إلينا أنصتوا لنا”.
وتابع المتحدث: “إيلا مد لينا الوزير يد نمدو ليه جوج، إيلا دار لجهتنا خطوة نديرو عشرة… حنا ما بغينا نغلبو حتى واحد، وبغينا التلميذ والبلاد والتعليم يكونو المنتصرين في هاد الصراع، بغينا نكونوا جزء فالاصلاح ولكن ما يمكنش تدير الإصلاح بأساتذة منهكين وعندهم مشاكل مادية واجتماعية ونفسية وكيتعرضو للهجوم صباح مساء”.
وزاد السحيمي: “أنا أتحمل كامل مسؤوليتي، هاد الأساتذة قلوبهم على بلادهم، والدليل المسيرة السلمية الحضرية اللي تدارات فالرباط، هادو ناس منظمين ومؤطرين”.
وارتباطا بتحقيق مطلب الزيادة في الأجور، قال السحيمي، “حنا بغينا غير العدالة الأجرية، وخا مطالبنا حنا ليست مادية بالأساس، صحيح يجب تصحيح الأوضاع المادية، لكن هو مطلب وليس الأساس، ما يمكنش نقولو راه بغاو غير الزيادة”.
وزاد المتحدث: “حنا ما بغيناش نتفوقو بغينا غير العدالة، حنا أدني راتب في الوظيفة العمومية، حنا كندروسو الساعات التضامنية من 1986، ولقجع مؤخرا قال أنه يلا بغينا نحذفوا هاد الساعات التضامنية خاصنا 45 ألف أستاذ، إذن هاد الأساتذة راه هاز عليك 45 ألف منصب ما كتوظفهاش”.
