انتقدت اعتماد الزاهيدي، عضو حزب التجمع الوطني للأحرار، ورئيسة لمجلس عمالة الصخيرات تمارة، تجربة حزب العدالة والتنمية في الولايتين الحكوميتين السابقتين.
وقات الزاهيدي، في كلمتها أمام الحاضرين في المحطة الثامنة من “مسار الإنجازات” الذي حط الرحال في جهة الرباط سلا القنيطرة، صباح اليوم السبت (29 نونبر)، “كنت في جغرافيا سياسية مختلفة، وجيت اليوم لجغرافيا أخرى، وفاش كنتحاول تعطي رأيك”.
وأضافت المتحدثة: “المنطق هو أنه اللي عاش التجربتين، واللي عاش التجربتين المختلفة، العقل كيقول عندو المقارنة، والمقارنة اليوم كتقول حزب التجمع الوطني للأحرار خلق دينامية حزبية غير مسبوقة على المستوى الوطني، والدليل هو هاد اللقاءات اللي مستمرة منذ أشهر وماتوقفاتش وأنا أعي ما أقول لأنه باش تدير لقاءات منظمة مع مواطن لا يمكن إلا ان تكون حزب قوي وحاضر”.
وتابعت الزاهيدي: “أنا أعرف أن تنظيم بحال هاد اللقاءات كتبغي عمل جاد لمدة شهرين، ولكن دينامية الأحرار بينت التزام كل مسؤولي وأعضاء الحزب، وهادي دينامية غير مسبوقة وما يمكنش شي حزب اجي ايتزايد على هاد المستوى”.
واعتبرت الزاهيدي أن الهجوم الذي يتعرض له الحزب سببه الانجازات التي قدمها في ولايته الحكومية، “اليوم علاش كنتعرضو للهجوم من الخصوم السياسيين بهاد الشراسة، واش درنا شي حاجة ضد المواطن؟، واش حنا جينا من شي كوكب آخر؟ الصداع علاش نايض؟ علاش المؤشر هبط علاش المؤشر طلع؟؟، علاش ماعندناش مؤسسات الريادة؟ علاش باقي أقاليم ما فيهمش الإصلاح في القطاع الصحي، كتلقى العوات على علاش ما كملناش وما وصلناش، كون ماكانش برنامج الحماية الاجتماعية ماكانش غيكون الصداع، كنتعرضو للهجوم حيت درنا عمل حقيقي”.
واسترسلت القيادية السابقة في حزب العدالة والتنمية، “كون بدينا هاد الشي هادي 15 سنة كون راه حنا فمشاريع أخرى، حنا اليوم درنا 50 فالمية ولا 60 فالمية ديال العمل اللي غنواصلوه فالولاية المقبلة ان شاء الله”.
وأنهت الزاهيدي حديثها بالقول: “كنعيشو زمن ما بعد الحقيقة، كنعيشو مع سياسيين متوهمين، مابقاش عندهم انجازات يهضرو عليها، حيت وصلنا لمستوى عالي فالسياسات العمومية”.
