تحدث البرلماني عن حزب الأصالة والمعاصرة، حسن التابي، عن مهنته كسائق مهني قبل دخول غمار السياسة، وفوز بمقعد برلماني عن إقليم طاطا لولاية ثالثة.
شيفور ديال الكار
وقال التابي، خلال استضافته في برنامج “بدون لغة خشب”، اليوم الجمعة (12 ماي)، على إذاعة “ميد راديو”، “أنا غندي الكيران لدابا، عندي 14 كار، وعندي النقل الحضري فطاطا وفطانطان، حرفتي هي هادي ولابد نشد فيها”.
وأضاف البرلماني عن البام: “أنا إنسان على قد الحال فالقرايا، ما قاريش، قريت حتى للسابعة، و14 كار ما درتهاش بالمدرسة، الواليد اللي كان دارها والگريمة بسميتو، أنا كنت شيفور ديال الكار، 5 سنين وأنا شيفور ديال الكار من طاطا لمراكش، ماشي غير جيت وطلعت للبرلمان، أنا ما طلعتش للبرلمان سطل”.
500 مليون سنتيم في الحملة الانتخابية
وذكر المتحدث بأنه قضى ولايتين برلمانيتين مع حزب الاستقلال، قبل أن يترشح للولاية الثالثة والحالية مع حزب الأصالة والمعاصرة، قائلا: “أنا استقلالي من التمانينات ماشي حتى لـ2007، ولكن فـ2016 ماترشحتش حيت الاستقلال ما عطاونيش التزكية، ومشيت للبام اللي كانوا فيه غير 3 دالناس وخديت التزكية وخدمت وجيت أنا الثالث، والناس بقاو كيتعجبو كيفاش تكلاصيت الثالث”.
وعاد البرلماني التابي ليتهم خصومه السياسيين في الإقليم، والذين سبق وخاطبهم بعبارته الشهيرة “فين آوا غادي؟”، باستعمال الأموال لاستمالة أصوات الناخبين، وقال ضيف “بدون لغة خشب”، “كون ما خدمو الصرف كنت أنا غننجح فـ2007، الناس حركو الصرف هاد الشي اللي كاين، وأنا إنسان ما كنشريش ضمائر المواطنين، وهاد الولاية الثالثة ديالي والناس كيسمعوني ويلا كذبت ينعلوني”.
وأوضح المتحدث أن بعض الخصوم السياسيين كلفتهم حملتهم الانتخابية حوالي 500 مليون سنتيم، متسائلا: “أنا ماعرفتش علاش انعطي ولو عشرين مليون باش نشري أصوات الناس باش نمشي نخدمهم؟! اش غيريح ملي غيخسر هاد الشي كامل؟”.
وتابع البرلماني التابي: “التعويضات البرلمانية كتوصل 32 ألف درهم للشهر، غتجي 193 مليون في 5 سنين، اللي كيدير الحملة الانتخابية ب500 مليون هادا عندو شي تغرة حقيقة وصحيحة”، موضحا أن أول حملة برلمانية قام بها سنة 2007 كلفته 30 ألف درهم.
التعويضات والقطن
وعن التعويضات التي يستفيد منها حاليا كبرلماني، قال التابي: “عندي التعويض الشهري ديال 32 ألف درهم، وعندي لاكارط كازوال فيها 4 آلاف درهم وراه ماديرا والو كتمشي فـ15 يوم، ولكن انا عندي فحال عطاوها ليا فحال ماعطتوهاش ليا وعندنا الاشتراك ديال التيلفون والتران الدرجة الأولى ولوطيل والماكلة”.
وعبر التابي عن رفضه لظاهرة الغياب التي تعرفها قبة البرلماني، قائلا: “واحد النهار اللي غيبت من نهار بدات هاد الولاية، واحد الاثنين اللي ما حضرتش، أنا ديما فالبرلمان كنؤدي الواجب، الإنسان خاصو يحلل التعويضات ديالو”.
وكشف البرلماني “البامي” أنه يلجأ إلو استعمال القطن داخل البرلماني خلال المناوشات التي تشهدها بعض الجلسات، موضحا: “وقتما كنسمع شي كلام غير لائق فالجلسة أو اشتباكات كنتنيرڤا وكندير القطن فودنيا وكنتسنط لعظامي، لأن هاديك مؤسسة دستورية خاصها تحترم، راه العالم كيتفرج فينا وداك الشي يسيء للمؤسسة الدستورية ديالنا… أنا ما كنبغيش دوك المشادات لا بين الفرق ولا بين الاغلبية والمعارضة”.
