عاد عبد الإله ابن كيران، الأمين العام لحزب العدالة والتنمية، لمهاجمة عبد اللطيف وهبي، الأمين العام لحزب الأصالة والمعاصرة، ووزير العدل، واصفا إياه بأنه “داعية من دعاة الفساد والاستبداد”.
وقال الن كيران، في كلمته خلال المهرجان الخطابي الذي نطمه الاتحاد الوطني للشغل (الذراع النقابي لحزب العدالة والتنمية)، في الدار البيضاء، اليوم الاثنين (1 ماي)، بمناسبة عيد الشغل، موجها كلامه إلى رئيس الحكومة: “داك الوزير ديال العدل واش ما تعرفش تسكتو؟، واش إير غادي من “bêtise” لـ” bêtise”، واش هاداك سياسي هاداك؟”.
وأضاف ابن كيران: “هاداك الحزب ديالو حزب التحكم، تدار باش يتحكم فالمغرب، وكان يشكل خطر على المغرب والمغاربة. وحنا قررنا نوقفو فوجهو من نهار بان”.
وتابع الأمين العام للبيجيدي هجومه على وهبي موردا: كان كيجي عندي للدار ويتصور معايا، وأنا ساذج ما عرفتش أش كيخطط، ملي ولى أمين عام ما بقاش جا للدار عندي واقيلا كيتسنى نموت”.
وانتقد ابن كيران التعديلات التي ينوي وزير العدل ادراجها في مشروع القانون الجنائي وكذا في مدونة الأسرة.
وقال ابن كيران مخاطبا وهبي: “واش فهاد الوقت ديال حْز مْز جيتي، بغيتي تشرعن العلاقات الرضائية، الناس مشغولين مع مطبشة والقزبور حيت حتى هو زادو فيه، وأنت جاي كتهضر على العلاقات الرضائية، يعني على الزنا والفساد، وبين ليلة وضحاها وليتي فقيه كتستدل بالدولة العثمانية!… هذا لم يقل بيه فقيه في العالم، أش خصك آ العريان قالو الفساد آ مولاي”.
واسترسل المتحدث أمام حشد من أعضاء ومناضلي نقابة حزبه، “القانون في المغرب لا يمنع العلاقات الرضائية، ولكن فاش كيكون النزاع بين الطرفين كتدخل بالسلطة، راه يلا مشيتي حتى درتي القانون ديالك راه الناس ايبداو يديرو شرع يديهم، وآ الناس الدولة الآن تحول دون الإجرام، فرنسا اللي دولة مثقفة كيموتو فيها 130 مرا فالعام بسبب الخيانة الزوجية”.
وأضاف ابن كيران: “مشيتي تقول باللي المرا والرجل خاص يورتو واش كلفك شي واحد؟ كيدير لينا البهلونيات… خاصكم تقولو لوهبي هاد الشي ما كيدارش، أنت داعية من دعاة الفساد والاستبداد، أنت إنسان فاشل، أي حاجة درتي فيها يديك كتفشل”.
