قال عبد الاله ابن كيران، الأمين العام الجديد لحزب العدالة والتنمية، إنه تأثر وشعر بشعور خاص بعد علمه بخبر انتخابه أمينا عاما، خلفا لسعد الدين العثماني، لأن الحزب يمر “بمرحلة دقيقة وصعبة”.
وأضاف ابن كيران، في كلمة ألقاها عن بعد، مباشرة من بيته، عقب انتخابه أمينا عام خلال المؤتمر الاستثنائي، الذي عقد اليوم السب (30 أكتوبر)، “أنا واحد منكم، أنا لست بطلا من أبطال كرة القدم، أنا ماشي ميسي، أنا واحد منكم، سوف أبذلي جهدي، نعم انا كنت منصرفا ن الحزب منذ اللحظة الأولى التي بلغني فيها ما بلغني وقد قلت لكم هذا، ولكن ما بغاتش بحال هاد النهار يجي وما تجبرونيش وتحسو باللي خويت بيكم، ما قدرتش على هاد القضية”.
وأضاف الأمين العام الجديد: “أنا بلغت من السن ما تعرفون، بالهجري هاد السنة عندي 70 عام، وظروفي الصحية ما بقاتش كيف كانت، اليوم ما حضرتش معاكم لأسباب شهصية، وصحية، ماشي لاسباب صحية فقط، ولكن خاصكم تعرفو باللي انا كنتحرك دابا بصعوبة”.
وتابع ابن كيران مخاطبا أعضاء الحزب: “أنا بغيت نقول لكاع الإخوان للي نيتهم حسنة، باللي أنا ما غنقدرش نخدم بوحدي، أنا ما كنتنكرش للإخوان ديالي القدام وما كنسدش الباب على الإخوان ديالي الجداد… انا لست إقصائيا، حتى أنا بشر وعندي حساسيات نحو بعض الأشخاص ولكن أنا الآن مضطر أعلن أنني أمين عام حزب العدالة والتنمية يعني ديال كافة أعضاء الحزب”.
ووعد الن كيران بالعمل على حل المشاكل التي يتخبط في “المصباح”، متعهدا أمام “إخوانه” بذلك، قائلا: “غادي نتعاونو ونحاولو نحلو المشاكل… حزبنا حاليا أنا شخصيا عاجز عن استعاب الوضعية ديالو، ماشي مشكلتي 125 مشاو وبقاو لينا 13… هاد الأرقام أنا ما كتخلعنيش لأن الحزب السياسي ماشي هو بغدد النواب فالبرلمان”.
