رفض عبد الإله ابن كيران، الأمين العام لحزب العدالة والتنمية، الحديث عن خيانة داخل حزبه، في حديثه عن ظروف تشكيل الحكومة بقيادة سعد الدين العثماني.
وقال ابن كيران، مخاطبا اللجنة المركزية لشبيبة حزبه يوم السبت الماضي (8 أبريل)، “اللي بغا يتكلم على الخيانة يجيب الدليل، هناك أخطاء أو مخالفات أو بريكول ممكن، ولكن الخيانة لا يمكن إلا يلا كان عندنا حجة واضحة، وفي النهاية هاد الشي كلشي غادي يسالي، خسرنا معركة أو لنفرض كاع نخسرو هاد الشي كامل”.
ونوه ابن كيران بما أسماه “صمود” الحزب في المرحلة الأخيرة، مضيفا: “جا القرار ديال الإعفاء ولا واحد خرج من الحزب يحتج، حنا راه ماشي من دوك الناس اللي كيديرو الثورة، راه قلتها ليكم في حفل تأبين امحمد بوستة، ما يمكنش يطلبو منا كثر من هاد الشي، كان شي واحد بغا يتعدا علينا يتفضل، واللي باغي يقطع لينا ودنيا يتفضل، ما غادي نكونو حسن من الناس عبر التاريخ اللي أداو ثمن الإصلاح، نحن نريد إصلاح هذا الوطن مهما كلفنا ذلك، وغادي نستمرو في هاد الشي”.
