اعتبر عبد الإله ابن كيران، الأمين العام لحزب العدالة والتنمية، أن حزبه خسر معركة تشكيل الحكومة الجديدة.
وقال ابن كيران، مخاطبا أعضاء اللجنة المركزية لشبيبة حزبه يوم السبت الماضي (8 أبريل)، “ما غاديش ندخل معاكم في تفاصيل تشكيل الحكومة، وغادي يجي وقت نكونو في هيئات الحزب وغادي ندويو في هاد الشي.. اللي وقع لينا حدث قاسي، ظروف صعبة، شديدة على حزبنا جدا، ولكن هي ماشي جنس الظروف الصعبة اللي فيها شي محنة.. واش غادي نيدرو دابا؟ نديرو كنازة؟ كاين تحليل متفق عليه أن العدالة والتنمية خسر معركة”.
وتساءل ابن كيران: “هل انتهت العدالة والتنمية؟ هل سوف تستسلم؟ أم أنها ستتعامل مع ما حدث ككبوة ستنهض منها ولو بعد حين؟”.
ولم يخف ابن كيران أنه فكر في اعتزال السياسة، وقال: “في الحقيقة أنا باغي نرتاح، وكنت كنتخيل أن وقت الراحة جا، لقيت باللي الظروف اللي وقع فيها هاد الشي ما كتسمحش لي نرتاح، ولقيتني مقيد بعهود قطعتها مع نفسي ومع المواطنين.. أنا قطعت الوعود للناس باش نستمر معاهم إلى النهاية، كيفاش غادي نديرو اليوم باش نتخلاو؟”.
وزاد الأمين العام لحزب المصباح: “أنا واحد منكم، يمكن نبقى الأمين العام ديال الحزب ويمكن ما نكونش، ويمكن نكون في موقع آخر في الحزب أو ما نكونش”.
وكعادته لم يغفل ابن كيران توجيه سهاهم إلى غريمه حزب الأصالة والمعاصرة، وقال، منتقدا وصول حكيم بنشماش إلى رئاسة مجلس المستشارين، “بنشماش اللي كيترأس دابا مجلس المستشارين هزم في يعقوب المنصور، كيفاش دارت البلاد كاملة باش تقبلو رئيس لمجلس المستشارين؟ هذا بسبب المصوتين الكبار، حيت ما يمكنش تتحكم في الأصوات ديال الناخبين واخا تعطي الفلوس وتسخر رجال السلطة”.
