كشف عزيز أخنوش، رئيس الحكومة، عن استفادة 4 ملايين أسرة من برنامجي الدعم الاجتماعي المباشر وبرنامج “أمو – تضامن”.
وقال أخنوش، خلال استضافته في برنامج خاص بث على قناتي الأولى والثانية “دوزيم”، مساء اليوم الخميس (25 أبريل)، “هذا برنامج ديال التضامن، راه ماشي الإنسان يتسنى حتى يمرض عاد يمشي يخلص، راه ضروري يتسجل”.
وتابع المتخدث: “حنا ماقصينا حد، يلا تقصى شي حد ربما حيت لأنه ما كانش يستحق يكون عندو راميد، قاعدة البيانات ديال اللي كانوا فالراميد حولناها لأمو، ولكن غربلنا، لأنه كانوا فيها ناس ما كيستحقوش، كتلقاه عندو طوموبيل وكيتخلص وعندو راميد!، خرجو بعض مئات الالاف اللي ما كيستحقوش وخداو بلاصتهم ناس اللي كيستحقو”.
وأكد أخنوش على أن “أمو نفعات بزاف دالناس، راميد كان كيخولك غير تتفك من العساس اللي حدا باب ديال السبيطار، وتدخل ويقولو ليك جيب البرة وجيب الخيط، دابا لا “أمو” كتخول للناس يتداواو ويديرو عمليات معقدة، كاين نقط إيجابية اللي تخلي المواطن يداوي فالقطاع العام والخاص”.