حل المدرب التونسي فوزي البنزرتي، بمدينة الدار البيضاء، منذ ليلة الأربعاء (13 دجنبر)، من أجل التفاوض مع نادي الوداد الرياضي، للإشراف على تدريب الفريق خلال الفترة المقبلة خلفا للإطار الوطني عادل رمزي.
وقال البنزرتي في تصريحات صحافية عقب وصوله إلى مطار محمد الخامس بالدار البيضاء، قادما من تونس، “لم أحسم بعد في أي تفاصيل بخصوص تعاقدي مع الفريق الأحمر، لكنني هنا من أجل الوداد”.
وينتظر عشاق القلعة الحمراء الإعلان عن المدرب الجديد للفريق خلفا للمقال من مهامه عادل رمزي، الذي رفض الوصول إلى حل نهائي مع إدارة الفريق حتى التوصل بجميع مستحقاته المالية، الشيء الذي يعرقل التوقيع الرسمي مع البنزرتي، حسب ما أكدته مجموعة من التقارير الصحافية.
وبخصوص إمكانية تعاقد الوداد مع “شيخ” المدربين البنزرتي، أكد مجيد الخال، الحارس السابق للفريق الأحمر، في تصريح لموقع “كيفاش”، أن الأهم الآن هو انتداب مدرب يعرف الكرة الوزطنية جيدا من أجل استعادة توهج الفريق”.
وقال مجيد الخال في اتصال مع الموقع إن “الأيام اللي غتخلينا نعرفو واش البنزرتي غيكون فصالح الوداد ولا لا، فهاد المرحلة أهم شيء هو أنك تجيب مدرب كيعرف كرة القدم الوطنية”.
وأضاف “البنزرتي درّب الوداد والرجاء وهاد الشي اللي كيخليه كيعرف الفرق الوطنية”، مشيرا إلى أن “البنزرتي عندو سرعة التأقلم، التحق بعدة فرق وسط الموسم ودغيا كيتأقلم مع المجموعة رغم كبر السن ديالو، ولكن عندو واحد الطريقة لأنه كيبغي يضبط مستودع الملابس وكنظن هذا هو الإشكال اللي كان عند الوداد فعهد رمزي”.
وتابع أن “رمزي كنظن أن المرحلة اللي فاتت خانتو التجربة”.
وواصل مجيد الخال حديثه بالقول “طريقة اللعب ديال البنزرتي، والطريقة اللي كيبغي يفرضها، واش كتماشى مع الفرضيات اللي كاينة الآن فالوداد، خاصة حنا أمام أبواب الميركاتو الشتوي واش غيكونو انتدابات ولا لا ويلا كانو شنو مراكز الخصاص اللي غيكونو، يلا قاد البنزرتي سفينة الوداد الرياضي غيجاوبنا على هاد الأسئلة كاملة باش نعرفو هاد الانتداب ديالو في محله ولا لا”.
وختم الحارس الودادي السابق “حنا ديما مع الأطر المغربية ولكن يلا جا شي إطار أجنبي اللي قادر يعطي الإضافة مرحبا به، كنتمنى الأيام المقبلة تعطي أجوبة ونتمنى تكون أجوبة إيجابية ويرجع فريق الوداد الرياضي للتوهج ديالو”.
