كشف وزير العدل، عبد اللطيف وهبي، أن تلقائيته في الكلام تجلب له المشاكل، مشددا على أنه يتحمل مسؤولية جميع قراراته ولا يهمه مصيره.
وقال وهبي خلال استضافته في برنامج “مع الرمضاني” الذي بث يوم أمس الأحد (8 يناير)، على القناة الثانية، “أنا تلقائي وهاد التلقائية ديالي كتجيب ليا المشاكل، أنا كنقول اللي فراسي وعندي قناعات وما كنخبيهاش، وأنا مع الحريات ومع احترام المواطن، وعارف كاين ناس كيستغلو هاد الشي باش يدخلو ويخلقو مشكل”.
وأوضح وهبي أن “هاد المعركة مع المحامين ما عمرها غتسالي، جاي قانون المهنة والقانون الجنائي، وأنا المشكل اللي عندي هو عندي ملفات حارقة”.
وأشار وزير العدل إلى أن “المعارك تفرضات عليا أنا ما كنقلبش عليها، وأي حاجة كتفرض عليا كندخل ليها أنا ما كنهربش، وما يمكنش نحل ملف وينوض الصداع نمشي نسدو ونقول خليو هاد الشي، أنا وزير والوزير خاصو يتحمل مسؤوليتو وما يخممش فالمصير ديالو واش غادي يتقال ولا غيمشي ولا يجي، خاصو يدير داك الشي اللي خاص يدار كيف ما كانت النتيجة”.
وختم حديثه بالقول” أنا داك الشي اللي خاصني ندير كنديرو، إصلاح العدالة، إصلاح قانون المهنة، إصلاح القانون الجنائي، إصلاح المسطرة الميدانية، هاد الشي كامل جاي وغندخل بسببو فمعارك”.
