• تكريسا لثقافة الاعتراف.. الجمعية المغربية للعلوم الطبية تكرم البروفيسور الراحل على الماعوني
  • استعدادا للكان.. لبؤات الأطلس يواجهن تنزانيا
  • المغرب – تركيا.. توقيع مذكرتي تفاهم حول السلامة الطرقية والممرات البحرية
  • عرضا عناصر الشرطة للإهانة وإحداث الفوضى وتعييب منشأة مخصصة للمنفعة العامة.. تفاصيل توقيف شخصين في ابن جرير
  • تحذيرات من حرائق.. موجة حر شديدة تضرب منطقة البحر المتوسط
عاجل
الأربعاء 19 ديسمبر 2018 على الساعة 19:00

ولاد الشعب ديال بصح.. مغاربة يعتذرون لعائلات ضحايا جريمة “شمهاروش” (صور)

ولاد الشعب ديال بصح.. مغاربة يعتذرون لعائلات ضحايا جريمة “شمهاروش” (صور)

مجموعة ديال رواد مواقع التواصل الاجتماعي المغاربة طلقوا حملة على الصفحات ديالهم فالفايس بوك وفالصفحة ديال ضحايا جريمة “شمهاروش”، كيعتذروا فيها لعائلات السائحتين اللي ماتوا أول أمس الاثنين (17 دجنبر) في نواحي مراكش، بعدما تم الذبح ديالهم من طرف مجرمين.

هاد “ولاد الشعب” ديال بصح، واللي كتهمهم السمعة ديال البلاد والسياحة في المغرب، نشروا صورة باللغة الإنجليزية فيها اعتذار باسم المغاربة مكتوب عليها: “أنا كمغربي مصدوم من هاد الحادثة اللي وقعات، وكنتعذر على هاد الشي اللي وقع في جبل توبقال، كنتمنى الجناة يتشدوا ويتعاقبوا على شنو دارو، وحنا ضد هاد الشي اللي وقع وما كنبغوهش فبلادنا، لترقد روحهم بسلام”.

ومن جهة أخرى، عدد كبير ديال المتفاعلين المغاربة كتبوا تعاليق اعتذار على الحساب الشخصي ديال الضحية الدانماركية لويزا فيرسبغر ووجهوا رسالة للعائلة ديالها وعائلة صديقتها كيعتذروا منهم وكيتبراو من الفعل الإجرامي اللي وقع.