محمد المبارك
ما زال بعض الناس مستمرين في تبرير الجريمة والعنف، فبعد حادثة “بلطجية الأخلاق” في رمضان، جات دابا حادثة جديدة وهي “قاتلة مغتصبها” في مدينة فاس.
الحادث، كما تابع الرأي العام، وثقها شريط فيديو ظهر فيه شاب مرمي على الأرض وكلو دم، وسيدة واقفة قريب منو، تدعي أنه اغتصبها وحيث القانون لم ينصفها، دارت شرع يديها وقتلاتو.
جملتان فقط من هاد السيدة كانتا كافيتين باش تخلي بزاف ديال الناس يتعاطفو معها بدون أي دليل ملموس، وكاين اللي قال أن “هاد الشي أقل حاجة ديرها، بل كان عليها تعذبو مزيان عاد تقتلو باش تبرد غدايدها”.
قليل من الناشطين على مواقع التواصل الإجتماعي من قالوا بأن هذا القتل غير مبرر، وأن هاد السيدة لو كانت تملك دلائل كافية لأنصفتها المحكمة، وفي حالة المحكمة ظلماتها كانت قادرة تتوجه لأي منبر إعلامي وتعاود القصة ديال وترجعها قضية رأي عام.
هاد الشي بغض النظر عن المعطيات اللي كتقول أن الضحية (26 سنة) كان على علاقة مع المشتبه فيها (36 سنة)، وهما يمتهنان الخياطة، وأقدمت على فعلتها “بسبب فشل العلاقة العاطفية بينهما”.
