محمد المبارك
أشاد الدولي السابق ميري كريمو بأداء المنتخب المغربي رغم الإقصاء من بطولة كأس العالم، معتبرا أن “المغرب كان قادرا على الفوز أمام فريق يملك أفضل لاعب في العالم لولا افتقاده للمسة الأخيرة”.
وقال الهداف السابق، في اتصال هاتفي مع موقع “كيفاش”، “المنتخب لعب مزيان، والمشكل ديال الهجوم عندنا سنين هادي، وخاصنا كاملين نخدمو عليه، ما يمكنش نحملو المدرب المسؤولية، لأن راكم شفتو المقابلة والمغرب لعب مزيان كان خاصنا غير الأهداف، والبرتغال خلقات زوج فرص فقط، واحدة استغلها رونالدو وسجل”.
وفي تعليقه على أداء المهاجمين قال كريمو: “اللاعبين دارو اللي عليهم، بوطيب محترف وكيعرف شنو كيدير، وما تنساوش أنه كانوا قدامو مدافعين قويين، أما الكعبي فهداف وموهوب ولكن مزال خاصاه خبرة وما خاصناش نحرقوه وما زال مستقبلا يعطي”.
وردا على الجدل الذي أثير حول استمرار المدرب الفرنسي في تدريب الفريق، قال الدولي السابق: “المدرب عندو عقد وخاصنا نحترموه، باقي مازال كأس إفريقيا، وباقي كأس العالم، وما غاديش نبقاو كل ساعة نبدلو، الفريق خلق فرص وما سجلش والمدرب ما غاديش يدخل يماركي لراسو”.