عصام أيت علي
عثمان ملين، المعروف بـ”مول البندير”، قال بأنه ما كيديرش الزبايل والغنا بداه غير هواية.
“مول البندير” أوضح بأنه درس 7 سنوات بعد حصوله على البكالوريا، قبل أن يدخل سوق الشغل.
مولين، البالغ من العمر (30 سنة)، قال، في برنامج “في قفص الاتهام”، اليوم الجمعة (4 نونبر) على إذاعة “ميد راديو”: “ماشي مهندس، أنا قريت التجارة والماركوتينغ، من بعد خدمت فوكالة لتنظيم المناسبات، قبل ما نبدل الحرفة ونبدا نغني”.
وقال ملين: “الغنا بدا غير هواية، كنت كنمشي الحفلات، وكانو الناس كيقولو غني، حيت أن كانت عندي هواية الغنا”.
وأضاف “مول البندير”: “الغنا ديالي ما وراه ميصاج ما والو، وحتى داك الشي ديال الألبومات أنا ما غاديش نديرهم”.
وعن الانتقادات التي تلقاها بخصوص دخوله مجال “الشعبي”، أفاد ملين: “هذا تراث ويلا الناس ولاّو كينتقدو هاد الشي راه صافي ما بقى ما يعجب”.
مغني الشعبي قال باللي الوالدين ديالو ما عندهمش مشكل باش يغني ويخلي خدمتو الأصلية، مضيفا: “أنا ما غاديش ننسى الخير ديال يونس الرباطي اللي كنت كنمشي معاه للحفلات واخا ما كنتخلصش. ولكن كنت كنغني معاه”.
وأفصح ملين عن أول أجر تقاضاه نظير إحياء حفلة، قائلا: “أول أجر ديالي كان وقيلا 5000 درهم”، لكنه رفض، مقابل ذلك، الكشف عن المبالغ التي يتقضاها في الحفلات الخاصة.
