وصفت الأمينة العامة للحزب الاشتراكي الموحد، نبيلة منيب، قيام السلطات الفرنسية بخفض عدد التأشيرات الممنوحة للمغاربة بـ”الابتزاز”، موضحة أن فرنسا لا تعامل المغرب على أنه شريك استراتيجي وإنما على أنه “مستعمرة سابقة”.
وقالت منيب، خلال استضافتها في برنامج “بدون لغة خشب”، أمس الجمعة (29 شتنبر)، على إذاعة “ميد راديو”، “فرنسا دولة دات سيادة والمفروض قراراتها تكون محترمة ولكن قرارتها كتكون كذلك يلا ما ظلماتش بها الناس والقوانين الدولية، وهاد القرار ديال الفيزا ضربات به في الحق في التنقل، ما خاصهومش يمنعو المغاربة، حيت بهاد الطريقة كيحتقرو المغاربة بحال يلا كيقول ليك أنت مواطن درجة ثانية”.
وتساءلت منيب: “علاش اتحبسني يلا عندي ما نقضي تماك؟، هاد الناس باقي كيخدمو العقلية الاستعمارية، والعنصرية عندهم طالعة وما كيحملوش كل ما هو عربي ومسلم، راك شفتي خطاب زمور ولوبين”.
وأضافت الأمينة العامة للحزب الاشتراكي الموحد “فرنسا كتعتبرنا ماشي شريك، كتعتبرنا مستعمرة ديالها سابقة وحاضرة، ما كتقبلش منا أننا ننتفضو شوية، هوما شدو واحد المجموعة دخلو عندهم وقالو لينا خودوهم حنا ما عرفناه مغاربة ولا جزائيين ولا موريتانيين ولا منين، والمغرب قال ليها ما عرفتهمش واش مغاربة نيت، وهادا كان المشكل إلى جانب مشاكل أخرى”.
واعتبرت المتحدثة أن كل ما تقوم به فرنسا اليوم نابع من إحساسها بأنها مهددة، موردة: “فرنسا كتحس براسها مهددة في وجودها في القارة الإفريقية عامة، وكتقول على الأقل ما تمشيش من تحت إيديا منطقة شمال إفريقيا، وماشي بعيد تكون هي وراء ما جرى بين المغرب وتونس والمغرب والجزائر، غير مستبعد”.
وتابعت منيب: “الحدود اللي خلاتها لينا من الاستعمار بين المغرب والجزائر، اللي كانو فيها 3 دالولايات فرنسية، عطاتها الصحراء الكبيرة كلها، حيت هي كنت كتظن أنها غتبقى فالجزائر، وحنا خدات لينا المناطق الشرقية والمغاربة تعاملو بسذاجة ، لأنه كاين القانون، حنا خاوة خاوة ولكن كاين القانون”.
واسترسلت متحدثا عن أصل مشكل الصحراء: “هاد المنطقة (الصحراء) ديالي ماشي نتسناك حتى تتحر عاد تعطيها ليا، عطيها ليا دابا، هاد الشي ما فيهش الظرافة، هاد الشي فيه القانون، وهاد الشي اللي خلا المشكل المفتعل حول الصحراء اليوم، اللي الأصل ديالو هو فرنسا وإسبانيا هوما ما باغينش المشكل يتحل باش يبقاو يبتزو”.
ودعت ضيفة “بدون لغة خشب”، إلى توعية المغاربة وتعليمه كيفية الدفاع عن قضية الصحراء المغربية، موضحة: “المغاربة ماشي كلهم يعرفو يهضرو على الصحراء، لأنه جهلناهم وفقرناهم وقلنا ليهم نتوما قولوا غير المغرب في صحرائه والصحراء في مغربها وسيرو لهيه، خاصنا نعملوهم كيفاش يدافعو على بلادهم، ويكونو عارفين تاريخ بلادهم وأحقية بلادهم فديك المنطقة”.
