كشف أنس مالكي، قائد أمن نائب رئيس مصلحة الهيئة الحضرية، مسؤول عن قاعة القيادة والتنسيق وعضو بلجنة مديرية الأمن الرياضي، عن الإشادة الكبيرة التي تلقاها الأمن المغربي بعد نهاية كأس العالم التي استضافتها قطر عام 2022.
وقال أنس مالكي خلال استضافته في عدد خاص من برنامج “ميد سبور”، يوم أمس الأحد، على هامش التغطية الخاصة لأيام الأبواب المفتوحة للأمن الوطني بمدينة أكادير، إنه “قبل ما نجيو من قطر كان احتفال أمني كبير، اللي نظموه الأطر الأمنية القطرية، واللي فيه عطاونا ميداليات وشهادات تقديرية لكل بوليسي بالاسم ديالو، اعترافاً بالمجهودات الكبيرة اللي قامنا بها باش نجحات هاد التظاهرة”.
وأضاف “الحمد لله التظاهرة نجحات، وأنا بالنسبة ليا أول مرة كنشوف هداك التنظيم، تبارك الله على السلطات الأمنية القطرية وجميع الفاعلين اللي كان عندهم يد فداك الشي”.
وتابع “الأطر ديالنا ماقصروش من جهدهم، وكنا كنخدمو، ملي وصل الربع والنصف، 24 ساعة على 24، بالمواكبة والتتبع والتقييم، وكنمشيو لمحطات المعجبين حيت كيكونو مغنيين وكيكونو الاحتفالات”.
وواصل “الجماهير المغربية كانو كيشوفنا كيجيو عندنا، حيت كنا لابسين أقمصة فيهم العلم الوطني على الصدور ديالنا، كيتصورو معنا، وكيقولو لينا حنا فخورين بالأمن الوطني ديالنا، وكنحسو بحال يلا حنا فبلادنا، والحمد لله كان تواصل بيناتنا وملي كيجي عندك واحد من الجمهور يسولك كيكون تجاوب بحال يلا فالمغرب”.
https://www.facebook.com/share/v/EstTrr2xJRmbtPQL/?mibextid=WC7FNe
