أكد رضوان الحيمر، مدرب فريق شباب الرياضي السالمي، أن المباراة التي ستجمع فريقه بفريق الرجاء البيضاوي يوم غد الجمعة (24 شتنبر)، على أرضية ملعب محمد الخامس برسم الجولة الثالثة من البطولة الاحترافية، ستكون صعبة.
وقال الحيمر في اتصال هاتفي مع موقع “كيفاش”، “مباراة السالمي ضد الرجاء غتكون صعيبة حيت غادي نلعبو مع فريق اللي عندو خبرة كبيرة وعندو تركيبة بشرية أكثر من الفرق اللي لعبنا معاها خاصة وأن المباراة غادي تلعب فالميدان ديالو”.
وأضاف الحيمر “حنا غادي نقدمو كل المجهودات باش نقدمو مباراة طيبة وما عندنا ما نخسرو حيت يلا كان الخسران را عادي حيت كاين فوارق كبيرة ما بين الرجاء والسوالم اللي كيلعب فالقسم الأول لأول مرة فالتاريخ ديالو فهاد الشي طبيعي… ويلا كانت شي نتيجة أخرى فغادي تكون مفاجأة”.
وفي حديثه عن تألق الفريق السالمي في أولى مبارياته في القسم الأول، قال الحيمر “كاين واحد الحافز عند اللاعبين وعند الطاقم التقني وكاين واحد العمل قمنا به هادي سنين وعطى الأكل ديالو”.
وأضاف “عندنا لاعبين تقريبا لمدة 7 سنوات وهما معايا من أقسام الهواة حتى للقسم الوطني الأول وهذا را شيء إيجابي”.
وختم حديثه بالقول “الحمد لله هناك تجانس بين اللاعبين اللي كاين بعض الفرق اللي ما زال ما لقاوهش وحنا الحمد لله لقيناه في الدورة الأولى”.
يذكر أن الشباب الرياضي السالمي بصم على انطلاقة قوية في مبارياته الأولى في القسم الوطني الأول، حيث تفوق على فريق الجيش الملكي بثلاثية نظيفة في الدولة الأولى، وتفوق على المغرب الفاسي في الدورة الثانية بنفس النتيجة.
ويواجه شباب السوالم، يوم غد الجمعة (24 شتنبر)، مضيفه الرجاء البيضاوي على أرضية ملعب محمد الخامس.
