كل واحد عندو موهبة فشي شكل، غير كاين اللي عارفها وكاين اللي مازال ما اكتشفها. الظاهرة الافتراضية “سينا” من غير الغناء والرقص عندها الكذوب وتنشيط مواقع التواصل الاجتماعي. كيفاش؟
البارح الجمعة (12 أكتوبر)، سينا نشرات صورة للفنانة البريطانية إيميليا كلارك، وقالت أنها أختها اللي كتعيش في الولايات المتحدة الأمريكية، الشيء اللي خلا المتابعين ديالها يقشبو عليها مزيان.
واحد الصفحة نشرات الصورة ديال سينا مع الممثلة البريطانية، مع تعليق ساخر فيه: “ملكة التنانين ضد ملكة السلوكيات”. وقالت أخرى: “الأخت التوأم ديال سينا واللي فرطات فيها”.
أما التعاليق، فأغلب المتابعين خداو سينا على قد عقلها ودارو راسهم متيقين، وقالت واحدة المتابعة: “ختك مسمومة ما جابتش ريحة دوتشي أند كابانا اللي كانت كدير ليها الإشهار”.