عبرت فئة كبيرة من عشاق نادي الرجاء الرياضي، عن غضبها من تولي الكاتب العام السابق للفريق، أنيس محفوظ كرسي الرئاسة، خلفا للرئيس السابق رشيد الأندلسي.
وانتخب محفوظ، يوم أمس الأربعاء (27 أكتوبر)، رئيسا لفريق الرجاء الرياضي، خلال الجمع العام العادي الذي أقيم في أحد فنادق مدينة الدار البيضاء، وذلك بعد إحرازه صوت 95 منخرطا.
إقرأ أيضا: بـ95 صوتا.. أنيس محفوظ رئيسا للرجاء الرياضي
فوز أنيس محفوظ بكرسي الرئاسة لم يكن في حسبان الأنصار الرجاوية، التي عبرت عن غضبها مباشرة بعد نهاية فرز الأصوات وإعلان اسم الفائز.
وكتب مشجع رجاوي في تعليق على مباشر الجمع العام الذي نقلته الصفحة الرسمية للرجاء على الفايس بوك وعلق آخر “الله ياخد الحق فاللي كان سبب فهاد المهزلة التي لا تمتلنا كجمهور الرجاء، ولكن هذا هو الوقت المناسب للانقلاب في وجه هاد المافيا الرجاء حاشة واش منخرطين في صالح الفريق. هاد الرئيس لا يمتلنا غادي نوقف فوجهه إلى آخر لحظة”.
إقرأ أيضا: أنيس محفوظ.. شكون هو الرئيس الجديد ديال الرجاء؟
وأضاف آخر “اللي عندو شي قراية ولا خدمة يمشي يقابلها الله يرحم البوصيري”.
وفي تعليق آخر، كتب مشجع رجاوي، “وا أسفاه على الرجاء… أستسمح مسبقا على التعبير الرجاء ولات بحال القرعة مدورينها غير بيناتهم كل فترة ياخدها واحد النوبة الماجيا ديال البيضي وموراه حنات ولا كان محتاجها شي واحد آخر ماشي مشكيل غير يعلمهم”.
وكتب آخر “حشومة حتى وصل بينا المطاف لهاذ الحال من هب ودب كيبغي يفرض الكلمة ديالو فينكم يا وليدات الخضرة ما كضربكمش النفس ولا مالكم باردين الرجاء ضربها الخلا مع دوك صحاب التقاعد اللي كيقول ليهم الحكماء إلى باقة فيكم شويا ديال التارجليت بينوها ولا غانرجعو ضحكة”.
في حين طالب مشجعون آخرون بمنح الرئيس الجديد مهلة “باش يبين آش عندو”، حيث كتب أحدهم “أتمنى خير إن شاء الله، هادي مسؤولية وتكليف وليس تشريف المهم الرئيس الجديد أنيس محفوظ له برنامج يجب احترامه والأيام المقبلة سنرى عمله، والله ولي التوفيق، ديما الرجاء البيضاوي”.
وعلق آخر “شخصيات كبيرة فهاد الجمع العام سنوات ضوئية ديال القرايا بغاو محفوظ رئيس لنضجه التسييري وواحد باغي تسيير شعبوي حيث أي رئيس جا للراجا كيقولو كون غير جا لاخر باغين رئيس برهوش عشاق النظام البودريقي كترو”.
وكتب آخر “الجمهور اللي معجبوش الحال راه لا يعقل دابا تسب وتشتم ناس ما دايرين والو المشكل راه فالقانون والطريقة اللي كيوصل بيها الرئيس ماشي فالمنخرطين المنخرط كيخلص فلوسو باش يصوت على اللي بغى هو ماشي داك الشي اللي باغي الجمهور وهاديك المنخرط صوت الجمهور مكيناش دبا ساندو الرئيس حيت هو اللي كاين بغينا ولا كرهنا وخا أنا ما كنحملش فيه شعرة وتخا ما كنعرفوش”.
ونشر آخر “أخبروا الرجاء إنني لو خلقت دون قلب لأحببتها برئتاي، لا يهمني ما يكون الرئيس بل تهمني الخدمة والفاعلية والتطبيق، فالرجاء خلقت لحصدي ألقاب وكتب التاريخ، ديما الرجاء العالمي تعيش الخضرة”.
وتابع آخر “هنيئا لنا بهذا الإنفراد على صعيد الأندية الوطنية… رجاء الشعب ديما قدوة ومثال على الصعيد الوطني؛ بالشفافية والديموقراطية انتخب الرئيس الجديد وفريقه. نتمنى لهم النجاح حتى يبقى شعار الرجاء خفاقا ومتوهجا وطنيا، قاريا وعالميا… ديما ديما رجاء”.
