جمال الرياضي
اللي ما عندو زهر يلقى العظم في الكرشة. هذا حال خالد العسكري، حارس مرمى الرجاء البيضاوي. كيفاش؟
اللي ما عندو زهر يلقى العظم في الكرشة. هذا حال خالد العسكري، حارس مرمى الرجاء البيضاوي. كيفاش؟
في الكويت حاصرته المخابرات ووحدات أمنية مختلفة في الفندق لأنه كان يتجول في طابق نازل فيه جنرال فالجيش الكويتي، واليوم فروما شدوه البوليس وما خلاوش يكمل الرحلة ديالو مع الرجاء في اتجاه هنغاريا.
اللي وقع، حسب ما أكدته مصادر «كيفاش»، هو أن الحارس الرجاوي خرج من المغرب بالباسبور ديالو والتأشيرة ووصل لروما بلا باسبور. أعضاء البعثة الرجاوية قلبوا على الباسبور ديال العسكري بالريق الناشف، ولكن ما لقاوهش. في نهاية المطاف، اللاعبون وطاقم الرجاء كملوا الرحلة ديالهم إلى هنغاريا والعسكري بقى تحت حراسة أمنية في مطار روما في انتظار انفراج الأزمة، إما بالعثور على الباسبور الضائع أو إعادة الحارس الرجاوي إلى المغرب. إيوا زهر هذا عندك يا العسكري.
