يبدو أن ظاهرة “التمسطيش” تغزو المجتمع المغربي فعلا. بعد اليوتوب، وبطلته الشهيرة “موسطاشة”، يأتي الدور على مجتمع “الله يتوب”، مجتمع السياسة والأحزاب.
وها هو إدريس لشكر يلتحق بركب حميد شباط، وقد أكد، فوزه بمنصب الكاتب الأول لحزب الوردة، أن الموسطاش فعلا رهان رابح، السيد غير دار الموسطاش طلع كاتب أول، أما كون دار اللحية كون راه مشى رئيس حكومة دقة وحدة.
وبزاف على الصدفة، هذا ما يكون غير شاف مع “مادموزيل الشوافة” دارت ليه شي حكمة فدوك الزغبات.
والجميل فهاد الشي كامل هو أن أصحاب الموسطاش هوما اللي غادي يحاربو أصحاب اللحية. ولكن ما عليناش، لحية ولا موسطاش، كلشي زغب، الله يرزق غير الصحة والسلامة.
تشاو تشاو.
