ملي كنسمع ديك القضية ديال المؤامرة الغربية فهاد البريكول ديال الدارجة والعربية كنتخايل أوباما جالس فراس الدرب مع هولاند ومع مول روسيا والباطرون ديال اليابان وشي واحد من كندا كيكميو الجوانات وكيقولو يالاه نعطيوهم نحايدو ليهم اللغة… آجي نديرو شي مؤامرة على الغرب نحايدو ليه اللغة ديالو (الكر والفر راه أسلوب عربي يا الخوت).
احتراما لعسكر اللغة العربية قررت أن أتحدث هذه اللغة فقط، أو بها، من الآن فصاعدا… هاتفي يرن، حين أجيب لن أقول ألو.. بل من الطارق على الهواء… وحين أبحر في الشبكة العنكبوتية سأدخل موقع دفتر الوجوه (فايس بوك سابقا)، سأحب (جيم) سأعلق (كومونطي) وسأتقاسم (بارطاجي) وسأسمي الحاسوب حاسوبا (مع العلم أن العلماء لم يخترعوه ليحسب فقط)… وسيأتي حارس السيارات فأقول له: شكرا لك لأنك أنقذت سيارتي من اللصوص… وفي المقهى سأطلب قهوة بالحليب مع قليل من السكر… وحيت غادي نتلف غادي يسحاب لي راسي كنغني مع كاظم الساهر: صباحك سكر… غادي نوليو بحال شي مسلسل تركي خاصو غير الدريات الزوينات والجرادي…
كون يجيو علي أنا يديرو تجريم التعليق على مباريات الكرة باللغة العربية… شي وحدين دياولنا فالقناة الأولى والثانية والرياضية وقيلا كيقول ليهم راسهم راهم كيعلق على غزوة بدر ماشي على الديربي…
علاش بزاف ديال المغاربة ملي كيهضرو ما بين كلمة وكلمة كيقولو يعني يعني يعني؟
مناظرة بين العروي وعيوش مثل مقابلة بين لاعب شطرنج وراقص بالي!
من فضائع مناهج التعليم المغربي: في القسم التحضيري، في بداية الثمانينيات، في تافوغالت، حيث يقتلنا البرد والفقر، كانوا يقريونا إشارات المرور… وباش يفقصوك يهضرو ليك على البحار…
أن يتحدث العروي جيد… هو مثقف… صحيييييييح…. كلامه قيم… صحييييييح…ولكن المثقف ليس مالكا للحقيقة…
