في فاجعة “قطار بوقنادل” اللي وقعات أول أمس الثلاثاء (16 أكتوبر)، واحد من الضحايا كيعاود تفاصيل خطيرة وقعات، واللي كانت سرقة واعتداءات على الضحايا.
وكيقول هاد الضحية، وهو مغربي مقيم فألمانيا، أنه مباشرة بعد انقلاب القطار، مجموعة ديال اللصوص على الضحايا وبداو كياخذوا ليهم كاع الممتلكات ديالهم، من بورطابلات وفلوس، بدون شفقة أو رحمة، لدرجة أن أي واحد قاوم كيعنفوه بطريقة بشعة مستغلين الضعف ديالو بسبب الإصابات.
وكيقول هاد السيد، في تسجيل صورتي راج على مواقع التواصل الاجتماعي، أنه لولا قدوم عناصر الأمن والوقاية المدنية “كون الناس الناس بقاو بلا حوايج، لأن هاد الشفارة ما عندهمش في قلوبهم أي رحمة”.
ومن جهة أخرى، قال هاد المهاجر المقيم في ألمانيا باللي “حتى مالين طاكسيات ما رحموا حتى واحد”، وقال باللي هو براسو ركب في طاكسي من الرباط للقنيطرة بـ600 درهم، “حيث شي شوافر ديال الطاكسيات استغلوا الفرصة باش يربحوا الفلوس”.
وسالا الهضرة ديالو بعبارات كلها حسرة، وقال: “حنا كشعب خصنا إعادة التربية”.
