محمد المبارك
البرلماني اللي حمل بنتو هي القصة اللي كانت دايرة البوز هاد الأيام، واللي هضرات عليها سميرة الداودي في واحد الفيديو، وخداتها عليها مواقع “إخبارية” وصفحات فايسبوكية، ولكن هاد الشي كامل صدق غير زفيط وكذوب. كيفاش؟
سميرة، المعروفة على الفضاء الأزرق، طلعات فلايف عند ماريو، وقالت باللي البنت رجعات عندها وقالت باللي هداك السيد ماشي الأب الحقيقي ديالها وإنما غير بالتبني، وأنه ماشي برلماني وإنما غير مرشح في دائرة.
المهم كثرة الخروج والدخول في الهضرة والقصة طلعات غير خيال، وما عرفناش واش البنت اللي كانت طالقاها على سميرة الداودي، ولا سميرة شافت الناس نساوها وبغات تدير هاكا باش يتفكروها.
الضحية فهاد الشي هوما المواقع اللي زربات ونشرات الفيديو ديال سميرة الداودي وكتقول هادي فضيحة.
